terça-feira, 30 de junho de 2015

Pensaun Vitalisia Hatodan OGE


DILI – Membru Parlamentu Nasional (PN) too oras nee seidauk halo diskusaun hodi reviu fila fali lei pensaun vitalisa, tanba pensaun vitalisa kontinua hatodan Orsamentu Geral Estadu.

Tuir Diretor Ezekutivu Organijasaun Non Govermental (ONG) Luta Hamutuk, Mericio Akara, ba STL foin lalais nee hatete pensaun vitalisia kontinua hatodan Orsamentu geral estadu.

Se lei pensaun vitalisia mak deputadu sira la diskute hodi reviu fila fali ida nee hanesan hatodan orsamentu geral estadu nian deit tanba tene hasai osan neebe mak bot hodi selu ema neebe mak la produtivu ona nee lolos nee labele no lei nee tenke reviu se lae tama tinan 20 ou 30 mai deputadu no membru governu mos amenta nee hakarak ka lakohi ita mos tenke hasai osan barak para selu sira maske sira la servisu,” hatete Akara.

Nia hatutan tan katak deputadu sira dalabarak halo deklarasaun politika mak barak tanba iha hotu intrese atu hetan pensaun vitalisa, tanba nee mak too agora atu reviu fila fali lei pensaun vitalia nunka atu akontese.

Nunee mos Diretor Ezekutivu Asosiasaun HAK, Manuel Monteiro hatete lei pensaun vitalisia hanesan korrupsaun legal ida neebe mak akontese iha rai laran, hodi hariku grupu balu deit maibe povu kontinua moris iha kiak no mukit nia laran. Informasaun kompletu iha STL Jornal no STL Web, edisaun Tersa (30/6/2015). Thomas Sanches

Suara Timor Lorosae

Sem comentários: