DILI –
Primeiru Ministru Rui Maria de Araujo too oras nee seidauk simu karta husi
membru governu PD, atu sai husi sestu governu konstitusional nomos seidauk simu
karta husi CNRT atu hasai membru governu PD.
Deklarasaun
nee fo sai husi Primeiru Ministru, Rui Maria de Araujo, ba jornalista sira iha
Palacio Governu, wainhira remata enkontru Konsellu Ministru, Tersa
(15/03/2016).
Prosesu
politiku entre CNRT ho PD lao hela no membru govenru sira kontinua halao
servisu nafatin too iha desijaun politika ida mai no ida nee la fo impaktu ba
Sestu Governu Konstitusional tanba sira (PD) kontinua mai servisu nafatin no
too oras nee mos hau seiduak simu pedidu rejignasaun ruma husi PD nomos pedidu
husi CNRT atu hasai ema ruma nee seidauk,” dehan PM Rui.
Xefi
Governu nee mos hatutan prosesu formasaun governu nee liu husi prosesu politiku
ida neeeb mak halao iha ambitu bloku koligasaun, tanba nee too oras nee mos
husi bloku koligasaun neebe mak hari husi partidu 3 hanesan CNRT, PD no Frenti
Mudansa seidauk hatoo pedidu ba PM, konaba desijaun final tanba nee tuir nia
hanesan Xefi Governu seidauk bele foti desijaun wainhira laiha pedidu husi
partidu 3 nee.
Iha
fatin ketak tuir Vise Ministru Edukasaun asuntu Ensinu Sekundariu neebe mai
husi partidu Frenti Mudansa, Abel Larisina, fiar CNRT ho PD sei rejolve
problema nee ho ulun neebe malirin hodi hateke ba intrese nasional. Informasaun
kompletu iha STL Jornal no STL Web, edisaun Kuarta (16/3/2016). Thomas
Sanches/Lucia Ximenes
Suara
Timor Lorosae
1 comentário:
Sr PM, klaru ke PD sei la fo karta, no sei lakoi halo karta, alias atu husik deit kargu sira ne maka la hetan boy! tan sira mos "got by surprise" ho move politika CNRT nian! Pratika normal etika Politika dita katak tuir lolos sira tenki ses an, iha momentu ke CNRT hatun TALAK ne! Out....Sai...Keluar!! la presija halo mangame politika! Rules of gentleman politic dehan, seharusnya sira mos responde karta notifikasaun PERCERAIAN hodi dehan em 72 horas, kargu executivo nebe PD okupa iha VI Governu Konstitucional sei devolve hikas ba CNRT hodi bele nomeia susesor foun, no tuir pratika Lei administrasaun Publika, responsavel kargu sira ne tenki notifika oficialmente gabinete PM, KATAK, depois de 72 horas, gabnete instituisaun sira ne sei passa hotu ba Sr PM nia responsabilidade!
Sikap gentleman ne maka ita presija, atu nune ajuda PM hodi hare oinsa, bele halo fali diligensia politik ho CNRT, kona ba prensimentu vagas nebe mamuk ne, laos halo fali diplomasi mie instant!...agora dehan fali PD la halo politika seluk...PD apoia nafatin........! Publiku, liu2 CNRT hare no hatene itabot sira nia sepak terjang...saida maka imi nia hakrak mos ema hatene ona,,,,,,,jadi hare foti mala,,,,,,husu licensa halo didiak......keta haluhan dehan obrigado netik,,,,,,,,,,no sai ona,,,fila ba sai oposisi mungil iha PN.....Adeusss....
Enviar um comentário