DILI
- Primeiru Governu Asina akordu ho Governu Australia katak too tinan 50 maka
rezolve problema fronteira maritima, nee laos sai problema, maibe TL kontinua
firmi obriga Australia hodi halo dialogu hodi rezolve problema nee.
Lia
hirak nee hatoo husi Peritus Jose Agustinho Belo, ba STL hafoin remata enkontru
Konsllu Siguransa, iha Palasiu Governu, Segunda (21/03/2016).
Australia
la bele kaer metin akordu neebe governu TL halo ho sira, tamba Australia nasaun
neebe boot kultura neebe abansadu no iha potensia boot, tamba nee sira tenki
hatudu ezemplu ba nasaun sira seluk hatudu mos ba Timor, atu nune halo dialogu
sai solusaun ida diak hodi rezolve problema. Tamba nee akademiku ho populasaun
Timor Leste tomak, tenki obriga Govrnu Australia, hodi mai tuur hamutuk ho ita,
liu-liu ho ita nia negosiador sira hodi rezolve problema konba fronteira
maritima nee,” dehan Belo.
Iha
parte seluk Sekertariu Taskforce Jorge Alves Alias Wemoris hateten Primeiru
Governu Asina duni akordu ho Australia iha dia 19 de maiu 2002, maibe akordu
ida nee mos la taka dalan ba TL atu protestu ba nia direitu soberanu.
Nune
mos Peskizador Lao Hamutuk Juvinal Dias hateten Governu Australi durante tinan
barak sira goza TL nia riku soin, tamba nee Timor oan tomak kontinua tuba rai
metin hodi eziji ba Australia hodi difini tiha fronteria maritima nee, para
bele hatene lolos tiha riku soin neebe iha tasi laran. Informasaun kompletu iha
STL Jornal no STL Web, edisaun Tersa (22/3/2016). Joao Anibal
Suara Timor Lorosae
Sem comentários:
Enviar um comentário