Povu Kontribui Estabilidade

DILI — Ministru Defeza i Segunsa, Jose Agustinho Sequera ‘Somotxo’ apela ba povu tomak atu kontribui paz no estabilidade iha rai laran, tanba   tensaun politika aas tebes bele provoka situasaun oin oin iha komunidade nia let.

Hau halo pontu situasaun ba povu tomak sosiadade tomak politikus tomak estranjeirus tomak neebe iha Timor-Leste. Objektivu halo pontus situasaun nee tanba ita nia sosiedade hanoin katak responsabilidade kona ba seguransa iha PNTL no F-FDTL nia liman laran,” dehan Somotxo ba Jornalista sira iha   Kuartel Jeral F-FDTL Fatuhada Dili, Kinta (12/10/2017).

Nia hatutan povu, sosiedade tomak tenke hatene katak povu ida nee mos asume resposablidade ida kona ba seguransa ho orden politiku, kuandu temi ona responsabilidade dever obrigasaun sosiedade nian atu kontribui paz no estabilidade.

Samotxo sublina povu iha direitu tomak atu fo ninian kontribuisaun ba iha estabilidade politika tantu mos etabilidade seguransa nian iha nasaun Timor-Leste. Tanba kuandu laiha estabilidade politika, laiha mos estabilidde seguransa.

“Kuandu iha estabilidade, nasaun lao diak, povu moris hakmatek, maibe kuandu laiha estabilidade, ita hafuhu malu deit,” Samotxo husu politiku sira atu entende malu hodi hetan estabilidade politiku.

Timor-Leste tuir nia laos fatin neebe krize bebeik, objetivu agora ba maka dehan dezenvolvimentu ida liberta povu husi kiak, uluk liberta povu no nasaun nee husi ema okupasaun sira iha prosesu tinan 24 nian agora liberta povu   husi kiak no mukit nee maka nuudar objetivu nasaun. Tan nee paz no estabilidade laos resposablidade PNTL no F-FDTL nian deit maibe povu hotu nian.

Nia dehan forsa F-FDTL no PNTL kuandu halo nia knar nuudar saida maka hakerek ona iha lei katak atu asegura estabilidade nasional no integridade sobenaia teritorial nian maka forsa rua nee halo nian servisu.

Ministru Defeza no seguransa nee husu politiku sira  ajuda  forsa-Defeza no seguransa  hodi fo segurasa ba povu   tomak, tanba nee hanesan inan ida karik tenke hatene nia oan sira nian  paradeiru, labele kompara  Timor-Leste  ho  Brasil  neebe dehan kriansa da rua,  labarik sira  lao ba mai too boot,  tanba inan aman  laiha, sira nia vida maka halo krime, nee Timor-Leste sei latoo iha fatin nee.

Governante nee informa desde 1 Fulan Outobru too agora iha grupu ogranizadu komesa hatauk komunidade, nee jornalista sira sente, povu tomak sente, politiku sira sente. Uluk iha ai laran karik gerilla iha fali ona sidade laran, iha fatin fatin kria instabilidade rama ambon mosu fila fali. “Ba hau lakonsidera kestaun nee no hau konsidera ketaun nee nuudar krimi organizadu neebe medidas sei sai,” dehan nia.

Ministru Defeza no Seguransa nee apela ba iha komunidade inklui politiku sira  tenke dkontrola situasaun ida nee, segurasan nee iha ita hotu nia lima enkuantu sura forsa armadas no PNT maka mesak  resposabele ba iha  garantia  segurasa  nee fosa nia kiinbit latoo rihun lima mos la too tamba  tenke apoiu husi komunidade ka povu tenke kontribui seguransa hodi garantia paz no estabilidade, neebe relasiona ho  Rama Ambon komesa mosu fali ona  iha sidade Dili. Nunee mos inteletual sira neebe maka hatene lei, hotu hotu juristas, konstitusionalistas halo intrepretasaun ba konstituisaun, labele provoka situsaun liu husi leilaun kareta prado.

Nia kompara ba kestaun sira neebe maka mosu derepenti sira hanesan nee  mosu mos iha tempu  funu laran,   maibe deskobresaun ba malu deit maibe laiha manifestaun, maibe ohin loron  livre, maibe tenke tuir prosesu neebe iha, kuandu labele maka  halo manifestasaun, tenke respeita joven sira nian hakarak no ezijensia.

Aproveita okaziaun nee apela mos ba iha veteranus sira husi rejiaun    no mos joven sira neebe maka uluk halo parte iha prosesu resistensia nian hanesan OJETIL, Sagrada Familia no oganizasaun seluk neebe latemi naran kontribui hametin paz no estabilidade iha rai laran.

“Hau nia veteranus sira husi rejiaun sira hau husu tenke kontribui ba estabilidade, nunee no mos  joven sira neebe maka uluk halo parte iha prosesu resistensia nee hanesan OJETIL, Sagrada Familia  no oganizasaun seluk neebe la temi naran uluk hateten kontriibui agora mos  tenke hatene nafatin kontribui,” apela Samotxo.

Nia parte mos lamenta ho isu  rejioanalismu sira nebe maka ema baluk komesa lansa katak  isu loro monu loro sae relasiona ho kargus  sira hanesan Ministru Defeza  ema Lospalos, Komandu F-FDTL ema Lospalos  no komandante Jeral PNTL ema Lospalos,  nia parte lakohi rona  espresaun sira nee.

“Ema hotu hatete laos foin Samotxo mosu  iha governu sai  Ministru Defeza Seguransa maka  rejionalismu nee mosu  uluk  Cirilo iha nee ona  neebe mos  Lospalos oan,  laos foin hau mosu mai maka  situasaun nee mosu  neebe ba komunidade tomak  labele lori  nafatin liafuan  Lospalos deit maka ida Komisariu ida Komandu F-FDTL no ida Ministru Defeza Seguransa,  para ona ho liafuan sira nee iha nee,”  lamenta Samotxo.

Nia konsidera isu sira nee hanesan la vale buat nein mana buat ida. Tan nee husu hotu hotu atu kontribui, laos tanba Komandante PNTL ema Lospalos, tantu Komandu F-FDTL ema Lospalos.

Natalino Costa | Suara Timor Lorosae