Prezidenti
Repúbika (PR), Taur Matan Ruak, Sábadu (19/03), fila ona husi nia vizita
traballu iha Japaun. Iha vizita ne’e veteranus nadodon ba simu PR Taur iha
Aeroportu.
PR
Taur to’o iha Aeroportu Internasionál Prezidenti Nicolau Lobato, Comoro Dili,
ho aviaun Silk Air iha tuku 15:00 Otl.
Normalmente
kuandu Prezidenti Repúblika (PR) fila husi vizita ba rai liur, membrus Governu
no membrus Parlamentu Nasionál (PN) mak forma iha Aeroportu hodi simu Xefi
Estadu, maibé realidade ne’ebé hatudu ba PR Taur la hanesan ne’e.
Bainhira
Xefi Estadu ne’e tuun husi aviaun, laiha membru Governu ida atu hatudu oin iha
Aeroportu. PR Taur Matan Ruak tuun husi aviaun Silk Air, simu husi Primeiru
Ministru (PM) Rui Maria de Araújo, hodi lori Xefi Estadu ne’e mai pasa revista
ba parada militar ne’ebé forma liña ona iha Aeroportu.
Hafoin
halo tiha pasa revista, PR Taur akompaiña husi Koronel Falur Rate Laek, no PM
Rui Araújo hakat tama ba sala VIP Aeroportu nian. Maibé antes atu to’o sala VIP
laran, PR Taur hakfodak tebes, tanba veteranus forma iha Aeroportu nakonu hodi
hein nia tuun husi aviaun, maske sira laiha buat ida atu aprezenta ba Xefi
Estadu ne’e.
Ho
laran ksolok Xefi Estadu ne’e kaer liman ho veteranus ne’ebé forma iha dalan
atu tama ba sala VIP nian ne’e, hodi lori sira tama hotu ba sala VIP laran.
La’os
PR Taur fila ne’e de’it, maibé bainhira Xefi Estadu ne’e sai husi Timor iha
loron 12 Marsu ba Japaun mós, laiha membru Governu ida akompaiña ba iha
Aeroportu.
Prezidenti
hala’o vizita traballu ba Japaun durante semana ida nia laran, hodi hametin
liutan kooperasaun entre Timor Leste (TL) ho Japaun.
Alarico
Daitula hateten katak, nia triste tebes, bainhira Xefi Estadu ida hala’o vizita
traballu ba Estadu ida, laiha membru Governu ida atu hatudu oin ba nia, no
membru Governu ida de’it mak akompaiña nia.
Alarico
dehan, haree ba realidade husi Prezidenti sai husi TL ba Japaun, laiha membru
Governu ida atu mai iha Aeroportu, entaun veteranu sira triste hodi sira rasik
ba simu PR Taur iha Aeroportu.
“Ninia
povu ho veteranu sira, ne’ebé mak uluk Prezidenti Repúblika organiza sira hodi
luta ba ita nia independénsia, sira rasik hakarak mai simu sira nia Prezidenti,
tanba Prezidenti ba povu ki’ik no ema kiak sira,” katak Alarico.
Nia
mós agradese veteran sira ne’ebé ba simu ona Prezidenti Repúblika iha
Aeroportu, maske balun hela do’ok tebes husi sidade Dili.
Alarico
dehan, veteranu sira ne’e, hateten ba Prezidenti katak, Xefi Estadu ne’e la
mesak, maibé povu hamutuk ho nia hodi luta ba moris di’ak.
“Ha’u
hanesan sidadaun ida, atetudi no komportamentu ne’ebé ita nia ukun na’in sira
halo ne’e, hanesan sensibilizasaun ida ne’ebé mak la eduka ema, no la eduka nia
sidadaun atu tuir hahalok sira ne’ebé mak sira hatudu ba Prezidenti Repúblika,”
dehan Alarico.
Nia
esklarese, kuandu Prezidenti Repúblika de’it mak sira la interese ona, oinsa ho
povu ki’ik sira, ida ne’e problema bo’ot.
Alarico
dehan, Prezidenti Repúblika ema ida ne’ebé mak heroi duni ba rai ida ne’e, no
Xefi Estadu ne’e merese duni atu nia povu antusiaismu hodi simu nia hanesan
ne’e.
“Nia
(Taur Matan Ruak) mak uluk organiza klandestina, ho ha’u nia aman, David Alex,
ho sira seluk tan, maun bo’ot mak sira nain hirak ne’e, tanba sira sai bo’ot
ne’e, povu mak halo sira nia naran bo’ot, tanba ne’e, sira la sai maupagador
hanesan ema balun ne’ebé mai ho ninia egoismu no karakterismu ida ne’ebé
loko-an, foti-an dehan katak, nia bo’ot ona, hodi haree ema seluk ne’ebé uluk
tane nia no foti nia, sai laiha valor iha rai ida ne’e,” afirma Alarico.
Tanba
ne’e, Alarico Daitula dehan, Taur Matan Ruak ho David Alex, sira nia hahalok
lahanesan ema balun ne’ebé foti-an no loko-an, hodi subar iha povu ninia
istória, para buka fó poder ba malu, hodi hetan previléjiu iha rai ida ne’e,
hodi povu ki’ik ne’ebé fakar ran ba rai ida ne’e nia independénsia, sai laiha
folin.
“Fó
poder ba malu, atu fó benefísiu ukun ne’e ba malu, hodi sira bele hetan
previléjiu iha rai ida ne’e, ba sira nia aleadu sira, sira nia partidu no sira
nia familia sira, ida ne’e mak akontese iha ita nia rai,” katak Alarico. cos
Jornal
Nacional
Sem comentários:
Enviar um comentário