Komisaun A Aprova Ona Lei Lideransa Komunitaria No Divizaun Administrativa

Komisaun A Parlamentu Nasional (PN) ba asuntu Konstitusionais, Justisa, Administrasaun Publika, Poder lokal no Anti Korupsaun aprova ona lei eleisaun lideransa komunitaria no lei divizaun administrativa.

“Iha diskusaun ba relatoriu pareser ba lei rua, konaba lei eleisaun lideransa komunitaria no ninia elisaun sira no mos lei konaba divizaun administrativa, ohin (horseik-red)ami apro va relatoriu atu submete ba meja para ajenda ba diskusaun no aprovasaun iha jeneralidade,”vice Prezidente Komisaun A deputadu, Arão Noe de Jesus Amaral ba Jornalistas sira Tersa (23/6) horseik iha PN.

Haree ba funsionamentu Suco nian tenke enkuadra, tanba durante ne’e entidades barak kestiona konaba kandidatu no pakote katak ladun reprezentativu, ne’e duni persiza altera para hadia.

“Durante ne’e iha kritika barak husi komunidade nomos husi Xefe Suco sira nia lamentasaun, ho buat sira ne’e hotu komisaun hakarak konsidera, tanba ne’e mak persiza altera dala ida deit duke servisu dala rua,”dehan deputadu Arao Noe.

Nia espelika, foin dadauk Governu husu atu estesaun de tempu husi Outobru ba Dezembru para governu atu submete fali lei ida mai halo alterasaun ba Lei ne’e para atu nune’e enkuandra Suco ba servisu Municipius nian.

Maibe Komsiaun A haree husi situasaun ida ne’e komisaun hanoin katak, se fo fali aprova tiha estensaun ne’e haruka fali ba Governu mak governu hatama fali proposta ida mai ne’e servisu dobru, ne’e duni diak liu parlamentu aprova tiha fo ba governu mak prepara fali ida mai.

“ami atu sejere ba plenaria atu foti desizaun oinsa se bele Parlamentu mak halo deit ona alterasaun ba artigu sira seluk ne’ebe mak Governu konsidera, e ami hein katak Governu bele submete proposta ka ou intensaun ne’ebe mak Governu atu halo ne’e bele submete mai komisaun, iha espesialidade komisaun bele konsidera para intrudus deit para servisu dala ida deit, tanba tempu limitadu e ita hatene rejimentu Parlamentu nian katak 15 de Outobru Orsamentu Jeral do Estado tama atividades parlamentu tenke para hotu, senune’e entaun fo impaktu fali ba alterasaun ne’e,”afirma deputadu Arao.

Lei refere aprova tiha ona iha komisaun, tanba ne’e komisuan A sei prepara relatoriu final atu submete ba meja PN para meja ajenda hodi bele aprova, baixa fila fali ba komisaun. bal

Jornal Nacional