Siklista
nasional kategoria mane, Carlos Alberto Lopes (numeru bisikleta 15), hetan
kanek iha ulun ho liman nia bisikleta aat, tanba infrenta dezastre iha Tour de
Timor 2015 rute Laclubar-Betano.
Carlos
tenke husik hela ona Tuir de Timor, tanba tenke halao tratamentu intensivu
hafoin asidenti ne’e. Siklista Carlos Alberto Lopes hetan dezastre iha area
Salaon-Soibada, Laclubar ho oras 08:30 Otl ne’ebe’ rezulta nia oin hetan kanek
no nia ain.
Polisia
Nasional Timor-Leste (PNTL) unidade Tranzito ida mos hetan dezastre ho motor
iha area hanesan, maibe Vitima sira ne’e hetan kedas tratamentu husi mediku
internasional sira.
Tour
de Timor 2015 ba loron daruk lao diak tebes. Tuir de Timor ne’e rasik organiza
husi Ministeriu Turismu, Arte no Kultura (MTAK) ne’ebe simu orientasaun husi
Ministru Turismu Francisco Kalbuadi Lay.
Iha
biban ne’e vitima Carlos Alberto Lopes, siklista husi Dili Leste konta katak,
monu tanba dalan ne’ebe mak pregozu no halai ho velosidade ne’ebe maka’as,
labele kontrola ba biskleta hodi rezulta monu iha fatuk laran, ne’ebe hetan
kanek iha oin no iha ain mos.
“Hau
monu tanba hau halai biskleta ho velosidade maka’as liu ne’ebe hau labele
konsege kontrola hau nia biskleta, tanba iha fatuk laran hodi rezulta hau monu,
maibe tim medis internasional sira to’o kedas iha fatin hodi atende ha,” dehan
Carlos ba jornalista sira hafoin to’o iha fatin deskansa, Postu Administrativo
Betano, Municipiu Manufahi.
Siklista
ho numeru bisikleta 15 ne’e hatutan tan, Tour ba terseiru faze ohin ba aban
Betano -Ainaro sei labele partisipa, tanba ho kondisaun saude ne’ebe la
permite.
Tour
de Timor 2015 rute Laklubar Betano ho distansia 101 Km klasse internasional sai
primeiru vencedor husi nasaun Portugal, Valerio Ferreira ho durasaun tempo
3:45:01, klase Nasional sai premeiru lugar Jacinto de Jesus da Costa ho
durasaun tempo 4:07:48.
Eventu
ba dala ruak ne’e, hahu iha loron segunda (14/09/2015) iha dadersan oras 07:00
Otl iha postu administrativu Laclubar Municipio Manatutu.
Siklista
Nasional husi grupo Merkurius, Jacinto de Jesus da Costa realsa tan katak,Tour
ba tinan 2015 diak ona, maibe siklista hotu la iha preparasaun masimu hodi tuir
eventu refere.
“Ami
la iha preparasaun ba iha eventu ida ne’e, tanba ami preukupa hela ho ami nia
serbisu no sei karik ami iha preparasaun oinsa ba ami nia serbisu, ami mos
presija iha serbisu para bele sustenta ami nia familia, sei wainhira ami
preukupa ba eventu ida ne’e semak atu halo fali ami nia serbisu ne’e,” dehan Jacinto.
Nia
dehan tan, maske la iha preparasaun maibe nudar siklista sempre kompete ho ema
estrangeiros sira hodi hadau malu tama to’o finis, maske ho rute ne’ebe mak dok
no pregozu no loro manas, maibe sempre hakas an hodi hadau malu ho ema
estrangerius hodi tama iha finis ho nomeiru 6-7.
Xefe
Suku, Betano Postu Administrativu Same, Saturnino Tilman hateten, tour ba tinan
ida ne’e fo duni nia vantazen ba povu no gerasaun foun joven sira iha Betano.
“Ami
kontenti tebes ho tour ida ne’e, tanba ami nia Joven balun husi suku Betano mos
partisipa hotu iha eventu ida ne’e ho ida halo ami hotu sente kontenti no
orgulho tebes, tanba bele motiva ami nia joventude sira oinsa ba tinan oin sira
bele partisipa barak liu tan,”dehan Xefi suku Betano.
Nia
dehan tan, Tour ne’ebe mak hala’o husi Ministerio Turismo NO orienta husi
Ministru Francisco Kalbuadi Lay, fo duni vantazen ba joventude sira atu nune’e
bele partisipa iha eventu internasional ne’e.
Tour
de Timor ne’ebe mak hala’o iha Municipiu Manatuto to’o mai iha Municipiu
Manufahi, hetan partispa mos husi komunidade no estudante sira hodi habmri’ik
iha dalan ninin hodi fo suporta ba siklista sira ho basa liman no hakilar.mia
Jornal
Nacional
Sem comentários:
Enviar um comentário