"Os
Timorenses", volume datoluk hosi tetralojia "A Pedra e a Folha"
hosi Joana Ruas, kona-bá tinan atus ida hosi rezisténsia timoroan nian,
aprezenta tiha ona iha Lisboa, iha loron-kuarta ne'e, hanesan
"romanse-sasin ida" nebe fó homenajen ba asuwa'in sira iha luta ba
independénsia Timor-Leste nian.
Espresaun
"romanse-sasin" no ida seluk "romanse-ensaiu" uza ona hosi
akadémiku Pires Laranjeira, oradór ida hosi sesaun nebe hala'o iha loron-kuarta
kalan iha Fundasaun Mário Soares, hodi karakteriza obra ne'e publika hosi
Sextante Editora, nebe ko'alia kona-bá períudu entre 1973 no 1980.
"Ne'e
hanesan romanse-sasin ida, romanse-ensaiu ida, karik iha buat ruma épiku ida:
Joana Ruas atua liuhosi memória, hanesan rekolla memória hosi ema ida nebe
moris iha faktu sira, nia serbisu ona ho pós-memória" hodi "fó onra
ba luta timoroan sira nian, hodi nomeia asuwa'in sira", hatete hosi
profesór universitáriu ne'e.
Joana
Ruas reforsa mós hanoin ne'e, nia hatudu iha dedikatóriu hosi obra ne'e
afirmasaun: "Personajen sira hosi obra ne'e hanesan fiktísiu", hodi
hatutan katak "sirkunstánsia istóriku sira nebe determina ona sira nia
hahalok sira hanesan auténtiku".
"Sira
nia moris hanesan sínteze ida hosi mane, feto no labarik sira nia moris nebe
sai hanesan vítima sira hosi prosesu ida deskolonizasaun frustadu no hosi
invazaun no okupasaun indonéziu nian iha Timor-Leste", nia hatutan.
Oradór
ida seluk, almirante Martins Guerreiro, hatete katak obra ne'e hanesan
"referénsia obrigatóriu ida ba ema sira nebe hakarak estuda no hatene
istória hosi Timor-Leste".
SAPO
TL ho Lusa
Sem comentários:
Enviar um comentário