DILI
– Arguidu Gregorio Correia hetan ameasa husi Ministeriu Publiku atu tama
prizaun tanba la kumpri desizaun pena suspensaun aprejentasaun mensal neebe mak
tribunal aplika tiha ona.
Liu
husi audensia julgamentu arguidu Gregorio deklara katak, laos nia lakohi atu
kumpri desizaun pena suspensaun tinan rua hodi halo aprejentasaun periodika
mensal neebe mak tribunal aplika ba nia. Maibe tanba nia parte la komprende ho
desizaun neebe mak tribunal dehan ba nia. Tanba nia la hetan esplikasaun husi
parte defesa, nunee depois desizaun iha loron 10 Setembru 2014 no iha loron 29
Novembru 2014 nia sai husi Dili ba Uatulari hodi hare nia aman neebe mak moras
todan. Too iha Uatulari mak nia kaben iha Indonesia telefoni ba nia hodi dehan ”papa
keta haluha ba halo aprejentasaun iha polisia”. Neemak nia foin hatene
hodi ba halo aprejentasaun iha polisia Uatulari nian hahu iha loron 10 Janeiru
2015.
Nia
hatutan, los duni bainhira sai husi Dili atu ba Uatulari la informa ka ba
aprejentaan ba iha Polisia Distritu Dili nian. Laos lakohi atu aprejentaan
maibe la komprende desizaun husi tribunal no laiha esplikasaun klaru husi
defesa.
Ho
ida nee parte Ministeriu Publiku husu pedidu ba tribunal atu aplika pena
efektivu. Neebe antes nee tribunal aplika pena prizaun tinan ida, suspende tinan
rua hodi halo aprejentasaun kafa fulan ba iha estasaun polisia neebe besik.
Tanba arguidu komete krime violensia domestika hasoru nia fen kaben.
Entertantu
parte defesa husu ba tribunal atu mantein ho desizaun iha neebe tribunal aplika
tiha ona. Tanba arguidu laos lakohi atu kumpri, maibe la komprende desizaun nee
no laiha esplikasaun ruma husi defesa neebe mak fo asistensia ba nia. Neebe iha
momentu neemos arguidu hasoru situasaun neebe nia aman moras todan no ikus
tenke husik is. Neemak halo arguidu laiha tempu atu buka tuir hatene, maibe
dehan lolos deit katak arguidu la komprende. Informasaun kompletu iha STL
Jornal no STL Web, edisaun Tersa (22/12/2105). Domingas Gomes
Suara
Timor Lorosae
Sem comentários:
Enviar um comentário