DILI
- Tribunal Distrital Dili (TDD) adia hikas Alegasaun Final (AF) ba kazu trafiku
no konsume droga, neebe involve arguidu Martinho, Mitu, Apau, Ucilyn ho Afuku.
Liu
husi audensia julgamentu Tribunal kontinua rona depoimentu husi defesa arguidu
Apau ho Ucilyn, Jose Pedro Camoes katak, nia parte seidauk iha preparasaun atu
halo alegasaun final. Tanba seidauk rona hotu gravasaun hodi sasin sira nian
hodi halo alegasaun ho diak. Ho ida nee husu ba tribunal atu fo atensaun.
Tanba
defesa seidauk iha preparasaun, nunee tribunal suspende fali alegasaun nee ba
iha loron 28 Desembru 2015 tuku 2 loraik.
Antes
nee tribunal rona tan deklarasaun husi sasin defesa arguidu Venançio Madeira
(Afuku), Julio Soares Amaral katak, nia nudar medicu jeral iha sentru saude
Becora nian. Nia halo duni tratamentu dala hat ba pasiente Afuku iha prizaun
Becora. Maibe ba arguidu nia moras nee, laos nia mesak mak halo tratamentu ba
arguidu nee maibe sempretroka medicu sira.
Tuir nia katak,
moras neebe mak arguidu nee sofre mak liman ruin bubu. Esperensia no konesementu nudar medicu no
estudu neebe nia hetan katak, arguidu nia moras nee labele atu kura maibe so
bele fo deit aimoruk hodi hatun nia bubu. Aimoruk neebe mak nia fo ba pasiente
neemak ibuprofent. Tanba aimoruk nee bele halakon moras no bubu deit, maibe
labele atu kura lakon moras nee. Informasaun kompletu iha STL Jornal no STL
Web, edisaun Tersa (22/12/2105). Domingas Gomes
Suara
Timor Lorosae
Sem comentários:
Enviar um comentário