Governu
ho Prezidente Repúblika timoroan hatudu ona, iha loron-sesta ne'e, solidáriu ho
Indonézia, tanba atake ne'ebé akontese iha loron-kinta ne'e iha Jakarta, hodi
haruka mensajen sira ba xefe Estadu no Governu sira Indonézia nian.
Taur
Matan Ruak, prezidente repúblika timoroan, haruka ona mensajen ida ba nia
homólogu indonéziu, Joko Widodo, hodi hatudu "nia laran-triste no
xoke" ba "atentadu trájiku no aat ne'ebé akontese iha Jakarta"
ne'ebé tenki "hetan kondenasaun maka'as no repúdiu".
"Hahalok
aat hasoru vítima inosente sira no laiha kbiit atinji prinsípiu fundamentál
sira hosi ita nia demokrasia sira ne'ebé respeita ema nia moris no liberdade
ema ida-idak nian", hakerek hosi mensajen ne'ebé fó sai hosi gabinete Taur
Matan Ruak nian.
"Iha
oras terus no lutu nian, ha'u hakarak transmiti ba Eselénsia no ba Povu
Indonéziu, hodi povu timoroan nian naran no ha'u nia naran rasik, sentimentu
sira hosi ami nia pezar no solidariedade. Timoroan sira seluk Povu Indonéziu
nia terus mós no, liuliu terus hosi vítima sira nia família, nune'e ha'u husu
ba Eselénsia hodi transmiti sentimentu sira hosi Povu Timor-Leste tomak",
subliña.
Taur
Matan Ruak esplika katak Timor-Leste "iha disponibilidade hodi kolabora ho
Indonézia hodi kombate dalan oioin terorizmu nian".
Governu
timoroan hatudu mós, liuhosi komunikadu, nia "solidariedade ba Governu no
povu indonéziu" no kondolénsia sira ba vítima sira nia família ho belun
sira, hodi konsidera katak atake sira loron-kinta nian hanesan "hahalok
kriminozu ne'ebé ho violénsia maka'as tebes".
"Governu
timoroan apoiu tebes deklarasaun hosi Prezidente indonéziu, Joko Widodo,
bainhira nia afirma: "Ita nia nasaun no ita nia povu labele hetan tauk;
ita sei la lakon ho hahalok sira terorizmu nian", refere iha komunikadu.
Agio
Pereira, ministru Estadu nian no porta-vós hosi Governu, subliña katak
ezekutivu timoroan hanesan "firmi, iha espíritu ida solidariedade no
amizade nian ho Governu no povu viziñu, iha momentu susar ne'e".
"Atake
sira ne'e labele simu iha ita ninia rejiaun. Ita tenki enaltese serbisu sira
seguransa no emerjénsia nian, ba resposta lalais no efikás ne'ebé sira fó iha
tempu susar ne'e", hatutan mós.
Polísia
Indonézia nian kaer ona ema na'in tolu iha loron-sesta ne'e tanba suspeitu
ligasaun ho atake ne'ebé akontese iha loron-kinta iha Jakarta, ne'ebé autoria
reivindika ona hosi grupu estremista Estadu Islámiku, fó sai hosi meiu
komunikasaun lokál sira.
Pelumenus
ema na'in hitu, inklui atakante na'in lima no ema sivil na'in rua, mate ona iha
atentadu, ne'ebé halo mós ema na'in 20 resin hetan kanek.
Autoridade
sira fó sai ona iha loron-sesta ne'e katak reforsu seguransa iha parte
importante iha sidade ne'ebé iha loron-kinta ne'e sai ona hanesan palku hosi
atentadu oioin no tiruteiu sira iha bairu dalan Thamrin nian, zona sentrál ida
iha Jakarta, ne'ebé situa hotel oioin no restaurante barak ne'ebé frekuenta
hosi estranjeiru sira no eskritóriu sira hosi ONU.
Númeru
hosi ajente sira iha besik embaixada no hospitál sira aumenta ona, nune'e mós
adopta ona medida sira maka'as liu iha sentru komersiál sira.
Nasaun
ne'e hanesan nasaun ida ne'ebé iha populasaun musulmanu boot liu iha mundu,
ne'ebé hosi nia populasaun millaun 250 iha 88% maka hanesan musulmanu. Iha
tinan 2000 no 2009 Indonézia hetan ona atentadu oioin.
SAPO
TL ho Lusa
Sem comentários:
Enviar um comentário