DILI
- Kazu Jogador naturalizadu neebe uza sertidaun batismu husi parokia igreja
katoliko balun iha Timor Leste halo pasaporte, oras nee tama ona iha prosesu
investigasaun Ministeriu Publiku nian.
Tuir
Diretora Diresaun Nasional Registu Notariadu, Maria de Fatima hatete, problema
jogador estrangeiru nain hitu nee Inspektur Jeral do Estadu entrega ona ba iha
Ministeriu Publiku hodi halo investigasaun klean ba kazu nee.
Nia
hatutan, nia rasik Ministeriu Publiku rona ona nia deklarasaun hanesan
testamunha ba kazu nee iha loron (12/01/2016). Neebe oras nee dadaun pasaporte
jogador nain hitu nian nee entrega fali ona ba iha estadu. No diresaun nee
rekonese iha duni frakeza, tanba la halo konfirmasaun ba iha sertidaun batismu
no laiha konfirmasaun ho registu sivil iha Brazil nian bainhira simu dokumentus
husi Federasaun Futeboll Timor Leste neebe lidera husi Fransisco Kalbuady.
Diresaun
nee bainhira simu dokumentus husi FFTL, tanba tuir ona kriteira entaun halo
deit ona Pasaporte. Maibe realidade sertidaun batismu neebe mak iha falsu,
tanba laiha livru asentu. Dokumentus neebe iha husi parokia balun iha Dili,”
tenik nia.
Diretora
nee afirma tan katak, diresaun nee trata fodik pasaporte ba jogador nain hitu
nee tanba federasaun mak lori mai laos pessoal. Maibe tanba lori dokumentus
kompletu ho tipu grupu. No dokumentus ne komprova Timor oan katak sira nia avo
sira nee ema Timor.
Iha
parte seluk fontes konfirmadu neebe lakohi temi naran hatete, prosesu nee agora
tama ona faze investigasaun iha Ministeriu Publiku. Neebe sekuandu
invesrigasaun nee remata sei lori ba iha tribunal. Informasaun kompletu iha STL
Jornal no STL Web, edisaun Sabado (16/1/2016). Domingas Gomes
Suara Timor Lorosae
Sem comentários:
Enviar um comentário