TDD Transfere Osan Milaun 225 Resin Ba Estadu

DILI - Tribunal Distrital Dili (TDD) husi 2012 too 2015 transfere ona kustu judisiariu hamutuk millaun 225.749.97 sentavos ba kofre estadu liu husi banku BNU.

Tuir Sekretaria Judisial Tribunal Distrital Dili, Maria de Fatima katak, TDD kuandu prosesu tama iha ambentu makas iha tinan tutuir malu mak 2012 too 2015 nian. Husi tinan nemak TDD konsege transfere kustu judissial ba kofre estadu hamutuk millaun 225.779, 97 sentavos.

Nia hatutan katak, kustu judisiariu nee mai husi prosesu julgamentu kazu krime no kazu sivil. Bainhira desizaun ikus iha julgamentu hanesan tribunal aplika pena multa no selu kustu judisiariu, osan sira neemak TDD sei halo transferensia ba iha kofre estadu liu husi banku BNU.

Liu husi julgamentu, juis prosesu Jasinta Correia sempre fo hatene ba arguidu no partisipante sira hotu katak, osan husi pena multa no selu kustu judisiariu nee laos atu fo ka tau iha tribunal laran. Maibe osan sira nee sei hatama hotu ba iha kofre estadu nian.

Nunee juis Antnio Helder katak, bainhira tribunal aplika pena multa no kstu judicial nee. Laos atu tau iha tribunal, maibe osan nee sei entrega ba iha estadu hodi halo desenvolvimentu nasaun nian. Informasaun kompletu iha STL Jornal no STL Web, edisaun Tersa (5/1/2016). Domingas Gomes

Suara Timor Lorosae