Eis-primeiru-ministru
timoroan, Mari Alkatiri, iha Suisa to'o loron-sábadu hodi hasoru malu ho
pontensiál investidór sira no reprezentante sira hosi instituisaun
internasional sira no dada investimentu ba Timor-Leste.
Vizita
ne'e halo parte hosi nia mandatu, ne'ebé hahú iha tinan rua liubá, nu'udar
responsável hosi Zona Espesial hosi Ekonomia Sosial Merkadu iha Oecusse
(ZEESM).
"Hanesan
tempu hodi hahú loke odamatan sira ba parseria iha nível internasional no
nune'e maka ha'u marka prezensa iha-ne'e. Dezenvolvimentu signifika hakotu ho
izolamentu no konsege parseria internasional sira", hatete hosi Mari
Alkatiri ba Lusa.
Objetivu
maka "dada apoiu sira hosi instituisaun sira no investimentu internasional
iha nasaun no hatudu katak Timor-Leste situa iha zona ida ho dinámika maka'as
hosi dezenvolvimentu ekonómiku no finanseiru", haktuir hosi reprezentante
timoroan ne'e.
Dirijente
polítiku lidera daudaun konstrusaun hosi zona espesiál ida hosi ekonomia sosiál
merkadu nian ne'ebé nia objetivu maka halakon kiak iha nasaun liuhosi modelu
foun sosioekonómiku nian.
"Iha
mundu iha zona ekonómiku millaun resin maibé ami hakarak zona espesiál ida
ne'ebé bele dezenvolve ekonomia inkluzivu ida, integradu liu, sustentável tebes
no globál", nia hatete.
Sistema
"inéditu" ne'e hakarak hetan pontu ida "ekilíbriu entre sosial
ho ekonomia hodi uza merkadu hanesan dalan dinamizadór", refere hosi
responsável ne'ebé esklarese katak hanoin "sosial la'ós signifika
asisténsia sosiál".
Ba
nia, ideia fundamentál maka "uza merkadu ba benefísiu ekonómiku maibé
liuliu ba benefísiu sosiál" hosi povu timoroan nian.
Agora
dauduan, 80% hosi populasaun Timor-Leste nian moris hosi ekonomia subsisténsia
ida ne'ebé populasaun sira prodús de'it ba sira nia konsumu rasik.
Maibé,
Mari Alkatiri fiar katak Timor-Leste bele sai kompetitivu iha produsaun hosi
produtu sira fatin ida ba merkadu sira iha fatin ida.
"Labele
hakarak kompete ho nasaun sira ne'ebé iha populasaun millaun resin maibé ami
bele kompete iha kualidade hosi produtu balun", nia hatete no refere ba
kapasidade hosi produsaun no konsumu Timor-Leste nian.
Iha
Jenebra, responsável hasoru malu ho reprezentante sira hosi organizasaun internasionál
sira ne'ebé iha ligasaun ho koperasaun ekonómiku no ba komérsiu internasionál,
entre sira maka Sentru hosi Komérsiu Internasional (ITC, iha sigla lian inglés)
ho World Economic Forum (WEF) no organizasaun la'ós governu nian "CUTS
international".
Mari
Alkatiri iha mós enkontru markadu ho emprezáriu suisu sira iha área bee nian,
enerjia no dezenvolvimentu rurál no floresta nian.
Hosi
Suisa, reprezentante timoroan sei ba Singapura hodi estabelese ligasaun ba
koperasaun komersial no dada potensiál investidór sira ba Timor-Leste.
SAPO TL ho
Lusa
Sem comentários:
Enviar um comentário