Dili,
Radio Liberdade Online_Atu hasa’e kosiénsia no inisiativa autoridade munisipiu
sira kona-ba inisiativa atu atinje ALFA (Área La soe Fo’er boot Arbiru) iha
munisipiu sira, Ministério de Saúde ho suporta husi programa BESIK (Bee,
Saneamentu no Ijiene iha Komunidade, finansia hamutuk husi governu Timor-Leste
no Australia) hala’o Workshop Nasionál ida ho tópiku “Saneamentu no Ijiene iha
Timor-Leste”, ne’ebé hola parte husi Administradór Munisipiu sira, Delegadu
Saúde no Xefe Departamentu Abastesimentu de Água husi munisipiu sira.
“Kuaze
26% populasaun Timor-Leste mak seidauk asesu ba saneamentu, kondisaun ne’e
hasa’e tebes risku ba moras diareia no infesaun intestinaiskrónikune’ebé
kontribui ba malnutrisaun”, hatete Odete da Silva Viegas, Diretora Geral das
Prestações de Saúde, liu husi nia diskursu iha workshop foin lalais ne'e.
Diretora
ne’e hatutan, “Moras relasiona ho saneamentu & ijiene la adekuadu nu’udar
kauza importante ba mortalidade no morbilidade, liu-liu ba labarik sira”.
Diretora
ne’e informa mós katak Governu Timor-Leste iha kometimentu atu hadi’ak
saneamentu. Tuir Alvu Planu Estratéjiku Dezenvolvimentu Timor-Leste nian mak
atu atinje saneamentu melloradu 100% iha 2030. Tan ne’e nia husu atu parte hotu
tenke servisu hamutuk hodi bele atinje metas hirak ne’e hodi nune’e haforsa
moris saudavel iha Timor-Leste, tanba wainhira ema hotu hela iha ambiente
ne’ebé saudavel, sei hadi’ak nutrisaun, saúde, no kontribui ba eliminasaun kiak
iha Timor-Leste.
Munisipiu
Bobonaro hahú ona implementa inisiativa ALFA iha fulan Jullu 2015.Durante fulan
sia nia laran, kobertura saneamentu iha Munisipiu Bobonaro iha mudansa. “Iha
Munisipiu Bobonaro, hosi Administrasaun to’o komunidade rekoñese katak
saneamentu ne’ebé di’ak bele fo impaktu di’ak ba iha nutrisaun, saúde no moris
saudavel”, hatete Odete. “Tanba ne’e, sira foti asaun boot hodi hadi’a sira nia
kobertura saneamentu husi 47% sae ba 92% iha fulan 9 nia laran”.
Administradór
Munisipiu Bobonaro Zeferino dos Santos iha nia aprezentasaun hatete katak,
munisipiu hotu iha kapasidade atu hadi’ak kobertura saneamentu, importante mak
tenke iha servisu hamutuk entre partes hotu hodi konsiensializa
komunidade.“Tenke iha servisu hamutuk entre parteshotu iha munisipiu, postu
administrativu, suku no aldeia, nune’e mós servisu hamutuk ho liña ministériu
sira ne’ebé nia diretór destaka iha munisipiu, ONG sira, ho mós parte igreja”,
hatete Sr.Zeferino.
Partisipa
mós iha workshop ne’ebé hala’o iha Hotel Timor ne’e, Diretór GerálÁgua no
Saneamentu, reprezentante DirecçãoGeral de Suco, DiretoresNasionál husi Ministério
Saúde no Ministerio das ObrasPúblicas, Transporte e Comunicação, ONG no doadór
sira ne’ebé servisu ba área bee, saneamentu no ijiene.
Rádio
Liberdade Dili
Sem comentários:
Enviar um comentário