Fretilin Sei Lanakdoko Iha 2017

DILI - Kordenador Partidu Fretilin Munisipiu Bobonaro, Paulo Moniz Maia afirma katak, partidu istoriku Fretilin sei lanakdodok iha elisaun 2017, tanba partidu nee nia estrutura monta metin hotu hahu husi Nasional too aldeia.

Nia dehan, krizi 2006 nee dehan Fretilin simu kilat, fretilin lahatene ukun, maibe eleisaun 2007 Fretilin manan maske laukun, depois eleisaun 2012 Fertilin lamanan fali, tanba ema balu politiza sasan, nunee Fretilin lamanan iha eleisaun 2012.

Fretilin iha krizi 2006 deit lanakdoko tiha ona, satan agora nee ami nein nakdoko oituan, tanba ami nia estrutur monta ona hahu husi nasional to aldeia ,” dehan deputadu Paulo, ba STL, iha PN, Dili, tersa (05/07/2016).

Paulo dehan, Fretilin hamrik nafatin hanesan partidu ida, partidu ida nia estrutura husi nasional ba too iha aldeia, estrutura forma metin ona, neebe ema barak koalia iha direitu atu koalia, mais Fretilin lanakdoko, Fretilin sei iha prinsipiu ida forti nafatin atu hadia ninia rai ida nee.

Iha fatin hanesan deputadu Bankada Fretilin Manuel de Castro hatete, Fretilin maka abut ba Nasaun Timor Leste, tamba nee lalika mehi atu doko Fretilin iha elisaun 2017. Informasaun kompletu iha STL Jornal no STL Web, edisaun Kinta (7/7/2016). Carme Ximenes

Suara Timor Lorosae