TIMOROAN IHA DIREITU SOSA TT

Bispu Diocese Dili, Mgr. Virgilio do Carmo da Silva, SDB, konsidera emprezariu Timoroan sira mos iha direitu atu sosa asaun iha Timor Telekom (TT).

“Kuando sira nian iha kbit atu sosa nusa maka labele se kuandu lei maka labele fo dalan ne’e oin seluk,”dehan Bispu ba jornalista sira iha Licidere, Sabado (9/7/2016).

Dom Virgilio haktuir, ho oprtunidade emprejariu Timor oan sira nian ne’ebe maka iha bele fo mos oportunidade ba Timor oan sira hodi bele hetan servisu  atu nune’e ajuda meilhora ekonomia  iha rai ida ne’e nian. Tanba ne’e  ho kbit ne’ebe maka iha bele hakbit liu tan emprejariu Timor oan sira  liu husi ida ne’e mos bele fo kbit no aumenta tan kapasidade ba iha Timor oan sira.

“Hau le uituan konaba ita nia vice Ministru Finansas nian fo ona ninia paraser  konaba buat ne’ebe emprejariu ne’e halo, buat emprezariu Timor oan hanesan Nilton Gusmão  ho ninia osan ne’ebe maka nia hodi sosa bele nusa maka labele,” hateten Dom Virgilio.

Nia mos sublina, agora parte ida husi ukun nain  sira liu-liu husi Ministeriu Finansas bainhra koalia ne’e sira laiha objesaun ida konaba buat ne’ebe  maka emprejariu ne’e sosa ninia sahan rasik husi TT.

Dom Virgilio mos hare katak, asaun TT ne’e  bainhira se lei premiti atu ema pesoal ida bele sosa ok bele ,tanba lei  premiti katak, ema ne’ebe ho interase  no vontade diak hodi sosa  asaun ne’e bele  ne’e ema nia diretu. Tanba ne’e lori Diocese nian naran banhira lei permiti atu ema se deit mos bele sosa ne’e.

“Orgulho liu tan tanba ne’e hanesan dalan ida no maineira ida ba emprejario Timor oan sira mos hatudu tempu to ona Timor oan bele ona hodi kaer rasik ninia ekonomia no ninia rai liu husi maneira ida  ne’e hodi bele kontribui ba rai ida ne’e,’’ esplika Dom Virgilio.

Bispo Dili ne’e mos esklarese, bainhira iha kompania ida atu fan nia asaun ba kompania ida  ne’e  laiha problema ,tanba kompania mos iha ninia regras interna atu fan nia saun ida iha ninia kriteria ,kuandu nia fan nia mos aseita,kuandu se maka ba sosa bainhira iha ema ida rua tur hamutuk hakarak maka hodi kontratu ne’e lao.

Maski  asaun TT ne’e parte  igreja mos nia saun iha ituan husi Diocese Baucau nian, maibe Dom Virgilio lakohi fo komentario tanba tuir nia asaun ne’ebe igreja iha ne’e laos parte Diocese Dili nian.nia

Jornal Nacional