SAPO Timor-Leste: Tinan neen fahe informasaun hamutuk ho imi

Iha loron 15 Setembru 2010 maka SAPO fó hakat ida ba Timor-Leste. Pageview dahuluk lansa hosi Prezidente Repúblika Timor-Leste nian iha tinan 2010, José Ramos-Horta, ne'ebé marka prezensa iha nia lansamentu iha Feira Livru Díli nian.

Hodi fó koñese portal ba ema timoroan sira, divulga vídeo ida ne'ebé hatudu SAPO to'o iha illa iha tiga roda ida ho parseria foun sira no inovasaun sira ne'ebé hato'o hosi SAPO. Ho neineik portal ne'e kontinua aumenta, iha audiénsia, parseria sira no kualidade no ohin loron sai hanesan referénsia nasional.

Loron-loron, SAPO Timor-Leste publika notísia sira hosi Ajénsia Lusa no artigu balun hosi jornal Suara Timor Lorosa'e.

SAPO Jornais no notísia sira ne'ebé fó sai iha telemóvel hanesan mós konteúdu sira ne'ebé públiku sira haree liu.

La haluha mós divulgasaun kona-ba nasaun nia furak no nia gastronomia no tanba ne'e maka ami halo site Timor Mega Tours no Sabores. Kartaz sinema, informasaun kona-ba moda, saúde no novidade foun sira halo parte iha site Haksolok ho SAPO.

No tanba Timor-Leste hanesan nasaun ida ne'ebé joven liu iha mundu, SAPO halo konteúdu sira ne'ebé dedikadu ba estudante sira ho artigu kona-ba konferénsia, kursu sira no bolsa estudu sira ne'ebé maka publika iha SAPO Estudante.

Hodi akompaña selebridade sira ne'ebé koñesidu iha Timor-Leste, ami dezenvolve site Ka'it Metin ba SAPO ne'ebé maka akompaña iha rede sosial sira atividade hosi selebridade sira ne'ebé maka joven timoroan sira gosta.

Iha 2012 ami akompaña mós eleisaun sira ho dossier espesial no iha loron istóriku sira ami fó hatene istória foun sira liuhosi ami nia plataforma blog sira. Ohin loron ami sei atualiza no hetan liu vizita barak iha blog sira tuirmai ne'e:

Blog Tour de Timor - http://tourdetimor.blogs.sapo.tl/

Tinan 10 Indepedénsia nian - http://10anosindependencia.blogs.sapo.tl/

Manufahi tinan 100 - http://100anosmanufahi.blogs.sapo.tl/

Loron Internasional ba Feto - http://8marco.blogs.sapo.tl/

Dossier Espesial Natal - http://natal.blogs.sapo.tl/

Dossier Santa Cruz Tinan 20 - http://noticias.sapo.tl/portugues/especial/20_anos_massacre_sta_cruz/

Dossier Prezidéncia CPLP - http://cplp.sapo.tl

Dossier Saída hosi ONU - http://noticias.sapo.tl/tetum/especial/saida_nacoes_unidas/

Blog espesial ida hosi selebra tinan 500 bainhira portugés sira to'o iha Timor-Leste http://timor500anos.blogs.sapo.tl/

Tinan ne'e, SAPO Timor-Leste sei kontinua ho inovasaun hodi oinsá bele aprezenta konteúdu sira, nafatin ho ambisaun hodi sai hanesan portal ida ne'ebé maka fó sai informasaun dahuluk ne'ebé bazeia nafatin iha rigór ne'ebé maka ami iha.

@SAPO Timor-Leste