Parpol Barak Hetan Osan Husi Kompania Kebijakan Halis

DILI - Lei foun Partidu Politik (Parpol) iha artigu 2/2016 lafo dalan ba Parpol sira hodi hetan osan, maibe pratikamente partidu barak mak hetan osan husi husi kompania sira.

Kestaun nee hatoo husi Diretor Ezekutivu Asosiasaun HAK, Manuel Monteiro ba STL iha nia knar fatin, Farol-Dili, Kinta (06/10/2016).

Hau hanoin partidu barak simu osan husi kompania, hau hanoin sira nia fundu nee iha, maibe sira mos lases husi simu osan husi kompania sira tanba ene ita bele haree husi wainhira partidu politik hetan osan husi kompania mak sira nia kebijakan halis liu ba kompannia sira,” dehan Manuel.

Diretor Ezekutivu Asosiasaun HAK haktuir, wainhira ita nia lei dehan hanesan nee, ita hotu-hotu tenke kumpri no halo tuir, hodi hametin prinsipiu estadu direitu demokratiku, pratika ita halo oin seluk nee prezudika ba prinsipiu estadu direitu demokratiku roll of law.

Nia salenta, ezemplu halo projetu barak-barak fo ba kompania sira kompania sira nee halo projetu lakualidadde husik deit, nee faktus, nee nia hanoin partidu sira nee hetan hotu suporta husi kompania laran no mos balun husi kompania liur.

Iha fatin ketak, Koordenador Based Transparansia, Luta Hamutuk (LH), Tolentino Tavares dehan, tuir LH nia observasaun nota katak iha prosesu kontribuisaun partidu politik nian iha eleisaun partidu hotu-hotu iha meius rasik oinsa bele elabora, reorganiza fundus atu bele fasilita atividade no programa partidu nian. Informasaun kompletu iha STL Jornal no STL Web, edisaun Sesta (7/10/2016). Raimundo S. Fraga

Suara Timor Lorosae