DÍLI,
(ANTIL) - Ministru Estadu Koordenadór Asuntu Sosiál no Ministru Edukasaun,
António da Conceição informa, Governu liuhusi Ministériu Edukasaun (ME) planeia
sei rekruta profesór na’in 200, hodi troka profesór sira ne’ebé atu reformadu.
“Profesór
na’in 200 rua ne’ebé sei reforma, sei foti kalendáriu ida fixu, ba sira atu
sira hahú ona halo primeiru, identifikasaun nesesidade, profesór tuir
disiplina,” Ministru Edukasaun, António da Conceição hateten iha Sentru
Konvensaun Díli ba media sira, Kinta (24/11) hafoin partisipa iha serimónia
graduasaun Pós-Graduadu ba XVI Universidade Nasionál Timor Lorosa’e.
Tuir
Ministru, identifikasaun profesór tuir dixiplina ne’e mak hanesan matemátika,
istória, biolojia, fizika, kimíka inklui matéria seluk tan no identifikasaun
ida-ne’e sei hala’o tuir munisípiu (distritu).
“Rekrutadu
tiha ona mak katuas (profesór) sira tama ba idade reforma. Kona-ba seguransa
sosiál, buat sira-ne’e hanesan baze ida ba sira. Bainhira sira sai tiha ba
reforma, sira-nia osan la’o nafatin,” ministru edukasaun ne’e akresenta.
“Tenke
asegura atu hanesan ne’e, atu ema la lakon nia motivasaun. Profesór sira foun
mai mós iha ona espíritu atu kontinua sira-nia serbisu hanesan profesór,”
ministru dehan.
Ministériu
Edukasaun iha papél atu haree profesionalizmu profesór sira, hanesan iha
Universidade Nacional Timor Lorosa’e (UNTL), Fakuldade Edukasaun Arte no
Umanidade (FEAU) ne’ebé mak gradua tinan-tinan nu’udar rekursu umanu.
“Inteletualidade
sira hetan ona, metodolojia atu sai hanesan profesór sira hetan tiha ona, maibé
atu halo kna’ar loloos hanesan profesór , presiza fila-fali, hanesan
katana karik, kadi tan hodi bele kro’at,” nia konklui. (Jornalista:Rafy
Belo/Editór: Otelio Ote)
Foto:
António da Conceição
Sem comentários:
Enviar um comentário