Dili,
(ANTIL) – Veteranu sira hamutuk 156 hosi Oe-Cusse sei hetan pagamentu iha fulan
Dezembru 2016 , tanba suspensaun hosi Autoridade Rejiaun Administrativa
Espesiál Oe-Cusse no Ambeno (RAEOA) laiha justifikasaun no evidénsia ba
iregularidade levantamentu dadus.
“Ita
hatama pagamentu ba Dezembru nian, liu-liu veteranu sira hamutuk 156 ne’ebé mak
hetan suspensaun hosi autoridade Oe-Ceusse,” Vise-MSS, Miguel Marques Manetelu
informa ba ANTIL iha PN, Sesta, (25/11).
Fulan
Dezembru, sira hotu hetan ona pagamentu maibé simu dala ida nian, hanesan
prestasaun pekunaria únika sei simu U$ 1300.
Tuir
Vise-MSS, diresaun MSS hato’o ona pedidu pagamentu nian ba Ministériu Finansa
(FM), maibé seidauk hatene data fixu no depende ba prosesu hosi Banku Nasionál
Ultramarinu (BNU).
Problema
ne’ebe akontese tinan ida liu, tanba karta suspensaun mai hosi autoridade iha
22 Outubru 2015. Sira tau kestaun balu, liu tiha fulan sia, ZEEMSS la
hatudu prova ka razaun kona-ba ema sira ne’ebe la merese atu simu osan.
Tanba
ne’e, MSS hanoin katak atu hetan forsa polítika hodi foti desizaun atu
reativa no kontinua halo pagamentu, maka iha 15 Novembru 2016, hato’o asuntu
ne’e ba Konsellu Ministru. Konsellu Ministru nafatin fo kompeténsia ba
MSS atu foti desizaun no halo reativasaun pagamentu, tanba kazu ne’e laiha
faktu sira. (Jornalista : Zezito Silva/Editor: Otelio Ote)
Sem comentários:
Enviar um comentário