DILI,
(TATOLI) - Primeiru Ministru, Dr. Marí Alkatiri hateten programa Sétimu Governu
Konstitusionál ba Orsamentu Retifikativu prontu ona no kuarta aban sei halo
aprovasaun iha Konsellu Ministru hodi haruka ba Parlamentu Nasionál hodi debate
no aprova.
Nia
esplika baze dezenvolvimentu maka Planu Estratéjiku Dezenvolvimentu Nasionál,
ne´ebé sei implementa liuhusi gia implementasaun.
“Orsamentu
liu ka la liu, ita ba debate uluk programa. Hotu-hotu iha interese atu lori
dezenvolvimentu mai rai ida ne´e, tan ne´e, bainhira laiha orsamentu sei laiha
dezenvolvimentu,” Marí hato´o informasaun ne´e liuhusi konferénsia ba imprensa
iha Palásiu Prezidente Nicolau Lobato, Dili, tersa ne´e, hafoin seremónia
tomada pose estrutura membru governu ba faze daruak nian.
Nia
dehan nia absolutamente garantidu katak programa no Orsamentu Retifikativu sei
hetan aprovasaun iha Parlamentu Nasionál.
Kona-ba
pozisaun eis Primeiru Ministru Kay-Rala Xanana Gusmão iha Sétimu Governu, Marí
Alkatiri hatán, Xanana Gusmão sei halo nia funsaun serbí Estadu la presiza
tenke tama iha Governu.
“Ha´u
sei respeita ida ne´e. Uluk mós ha´u la tama governu maibé serbi Estadu. Kuandu
ha´u ba Oe-Cusse ha´u serbí Estadu no uluk ha´u ba hamutuk ho irmaun Xanana
Gusmão to´o iha International Moneter Fund (IMF), ha´u serbí Estadu maibé ha´u
la´ós membru goverbu,” nia haktuir.
Iha
biban ida ne´e, Marí esklarese, sei iha tan tomada pose faze daruak nian hodi
priénse pasta Ministru Justisa no Ministru Turizmu. Tuir loos, nia tenik, iha
ona ema atu priénse pasta rua refere, maibé tanba tenke feto entaun demora to´o
ohin loron.
Jornalista:
Xisto Freitas
Sem comentários:
Enviar um comentário