Branco: PR Maka Iha Kompetensia Foti Desizaun

DILI - Xefi bankada FRETILIN Francisco Miranda Branco hateten, Prezidente Republika Francisco Guterres Lú Olo, maka iha kompetensia tomak hodi foti desizaun ba polemika politika neebe maka oras nee lao inserteza iha rai laran.

Desizaun final ita hotu hotu sei hein ba Xefi Estadu maka sei hasai desizaun, hotu hotu bele iha nia hanoin, maibe ikus mai Prezidente Republika nudar Xefi Estadu iha mandatU konstitusional hasai desizaun ba momentu ida hanesan agora dadauk nee, ita hotu hotu hein tanba so uniku nia maka bele hasai desizaun nee,” dehan deputadu Branco, ba STL, iha PN, Dili, Segunda (08/01/2018).

Deputadu Branco hateten, Buat hotu hotu normal hela tuir kultura Timor nian, kuandu kolia hanesan nee dehan senti ladiak, maibe diak liu kolia iha oin duke kolia iha kotuk nee maka los, nee maka lalika halo teatru politika bar barak no fian realidade hatudu oin seluk.

Iha fatin hanesan Xefi bankada PLP Fidelis Magalhaes hateten “Prezidente Republika sei halo desizaun tuir konstitusisaun RDTL, restu ami lakoi mete ba kompetensia Prezidente Republika nian, ami so iha esperansa hein deit desizaun ida ke PR sei halo,” dehan deputadu Fidelis.

Entretantu Direitor ONG Gertak Faustinho Magno, Husu ba Prezidente Republika Francisco Guterres LuOlo, atu foti desizaun ba politika neebe inserteza iha rai laran, atu nunee bele fo benefisiu ba ema hotu. 

Carme Ximenes/Maria Lay | Suara Timor Lorosae