Lian Portugeza | Kanal televizaun timoroan estreia programa ne'ebé apoia hosi Eskola Portugeza Díli nian

Kanal televizaun privadu timoroan, GMN, iha tempu badak sei fó sai "Na Ponta da Língua", programa ida hodi tulun atu aprende portugés, ne'ebé halo hamutuk ho dosente na'in rua hosi Eskola Portugeza Díli nian.

Ana Amália ho Vítor Correia, profesor sira hosi Eskola Portugeza, sei aprezenta programa hamutuk 12 ne'ebé sei transmiti iha GMN, kanal ida ne'ebé kria hosi emprezáriu timoroan ida no inaugura ona iha tinan liubá.

"Hanesan programa ida hodi ajuda aprende portugés. Ami sei hahú dahuluk ho programa sira hamutuk 12 no hafoin ne'e ami sei aumenta inisiativu", esplika hosi diretór Eskola Portugeza Díli nian, Acácio de Brito, ba Lusa.

GMN iha ona konteúdu oioin iha lian portugeza, inklui novela sira no programa infantil.

Programa sei lansa tuir dalan ofisial iha loron-kuarta iha serimónia ida iha Eskola Portugeza Díli nian, ne'ebé sei iha partisipasaun hosi ministru no visi-minitra Edukasaun nian, Fernando Hanjam ho Lurdes Bessa.

Sei partisipa mós visi-prezidente Camões - Institutu Koperasaun no Lian nian, Gonçalo Teles Gomes, ne'ebé halo hela vizita serbisu nian iha Timor-Leste.

SAPO TL ho Lusa