Prezidente Repúblika timoroan,
Francisco Guterres Lu-Olo, konvoka eleisaun parlamentar antesipadu ba loron 12
Maiu, iha votu ida ne'ebé sei sai kompozisaun foun hosi Parlamentu Nasional no,
ikusmai, Governu konstitusional daualuk.
Jornal Repúblika publika ona iha
loron-sesta ne'e dekretu ne'ebé asina hosi Francisco Guterres Lu-Olo ho data
loron-kuarta nian no ne'ebé hahú dalan formal ba prosesu eleitoral iha nasaun.
"Iha uzu kompeténsia ne'ebé
maka konfere hosi artigu 86 hosi Konstituisaun Repúblika Demokrátika
Timor-Leste nian, Prezidente Repúblika dekreta: marka ona ba loron 12 Maiu 2018
eleisaun ba deputadu sira ba Parlamentu Nasional", refere hodi dekretu.
"Dekretu ne'e hahú hala'o
iha loron 20 Fevereiru", loron ne'ebé, tuir dalan formal, hahú aplika
prazu tomak ne'ebé asosiadu ba votu, defini hosi lei hosi eleisaun parlamentar
sira ne'ebé aprova iha tinan liubá.
Ne'e sei sai hanesan eleisaun
parlamentar dalima iha Timor-Leste dezde iha restaurasaun independénsia
Timor-Leste nian no hala'o hafoin fulan 10 hosi eleisaun anterior ne'ebé hala'o
iha 22 Jullu tinan liubá.
Votu hanesan presiza hafoin
Lu-Olo anunsia iha loron 26 Janeiru hodi fahe Parlamentu Nasional hodi rezolve
problema polítika ne'ebé maka Timor-Leste hasoru iha fulan barak nia laran.
Loron 12 Maiu hato'o ona hosi
órgaun eleitoral sira, Komisaun Nasional Eleisaun nian (CNE) ho Sekretariadu
Tékniku hosi Administrasaun Eleitoral (STAE) ne'ebé nia kalendáriu eleitoral
iha mós akordu hosi forsa lima ne'ebé iha fatin iha parlamentu.
Kalendáriu eleitoral agora sei fó
sai hosi órgaun eleitoral sira no sei iha kampaña eleitoral ida ba loron 30 nia
laran no loron rua reflesaun antes votu.
SAPO TL ho Lusa
Sem comentários:
Enviar um comentário