DILI, (TATOLI) – Diretór
Jerál Sekretáriu Tékniku Administrasaun Eleitorál (STAE), Alcino Manuel Branco
husu atu partidu polítiku (Parpor) sensibiliza nia militante sira hodi
partisipa ativu iha aktu resenseamentu liu-liu atualizasaun baze dadus.
Nia dehan esperiénsia iha eleisaun
ne’ebé liu ona, eleitór hamutuk 20.000 resin mak la tuir eleisaun, tanba ida
ne’e mak iha ema barak mak kestiona kona-bá taxa partisipasaun.
Ba tinan ida ne’e, atu hasae taxa
partisipasaun, partidu polítiku asume mós responsabilidade importante, liu-liu
sensibiliza nia militante hodi partisipa iha prosesu atualizasaun baze dadus no
vota iha loron eleisaun.
“Sekretáriu Tékniku
Administrasaun Eleitorál (STAE) halo edukasaun votantes no edukasaun sívika
maibé partidu polítiku sira nia papél pertinente atu sensibiliza nia militante
sira no oinsá atu tulun hodi mobiliza komunidade sira iha aktu resenseamentu no
partisipa iha eleisaun antesipada (EA),” Acilino Manuel Branco informa ba
jornalista sira hafoin hasoru malu ho partidu polítiku sira iha Kaikoli, Sesta
(9/02).
Aleinde ida ne’e, husu mós ba
parte hotu-hotu atu kontribui ba prosesu demokrasia (eleisaun antisipada) hodi
hasa’e taxa partisipasaun eleitores iha eleisaun.
Enkuantu atu akompaña, aktu
resenseamentu eleitorál no atualizasaun baze dadus lei permite atu partidu
polítiku sira bele halo fiskalizasaun, bazeia ba lei númeru 6/2016.
Jornalista: Zezito Silva | Editór:
Manuel Pinto
Imajen: Diretór Jerál STAE,
Acilino Manuel Branco
Sem comentários:
Enviar um comentário