DILI, (TATOLI) - Ministru Negósiu
Estranjeiru no Kooperasaun (MNEC-Sigla Portugés), Dionísio Babo Soares, informa
ASEAN prepara hela ekipa ida hodi halo avaliasaun mai Timor-Leste .
Tuir nia, ekipa avaliasaun ne’e
sei haree liu ba oinsá atu Timor-Leste adere ba ASEAN, hosi aspetu ekonomia,
polítika, kultura no governasaun, maibé kuandu dada demais Timor-Leste presiza
re-formula polítika atu tama ba ASEAN (Association of South East Asia Nations).
“Kuandu sei dada nafatin entaun
ha’u rasik sei ko’alia ho Primeiru Ministru, Prezidente Repúblika no maun boot
sira atu haree oinsá mak ita reformula fila fali polítika kona-ba ASEAN nian,”
Dionísio Babo informa ba jornalista sira iha Parlamentu Nasionál, ohin.
“Sira mai halo avaliasaun hafoin
sira bele diskute loloos,” Ministru Dionísio esplika.
Hodi konta tan “Foin daudauk ha’u
ko’alia ona ho ministru negósiu estranjeiru hotu iha Singapura, husu ba sira
oinsá sira nia apoia mai
Timor-Leste , maibé sira sujere atu ita hadi’a rekursu umanu.”
Enkuantu rekursu umanus, tuir
Ministru Dionísio sai prioridade liu ba iha ASEAN.
“Ita hein katak ekipa avaliasaun
kuandu mai ona, sira bele fó rezultadu di’ak ba ita, ita hein de’it tanba ita
halo aplikasaun, sira hanesan uma na’in sira mak sei deside.”
“ASEAN agora iha membru
na’in 10 kuandu Timor-Leste tama tan, entaun membru ASEAN hamutuk 11,” governante ne’e hakotu
lia.
Jornalista: Zezito Silva | Editór:
Manuel Pinto
Imajen: Ministru Negosiu
Estranjeiru no Kooperasaun, Dionísio da Costa Babo Soares.
Sem comentários:
Enviar um comentário