DILI – Relasiona ho makina fase
raan iha Hospital Nasional Guido Valadares (HNGV) lasufisiente, transfere
pasiente 14 ba rai liur.
Liu husi sesaun plenaria Tersa
(04/09/2018) deputadu/a sira halao debate OJE 2018 iha espesialidade ba iha
dotasaun para tudo governu, iha proposta lubuk ida mak hatama husi bankada sira.
Enkuantu ba proposta numeru 2 proponente Deputada Maria Gorumali hatoo proposta
ho rajaun atu sosa makina fase raan.
Iha intervensaun Deputada CNRT,
Maria Gorumali hatete, bazeia ba OJE 2018 alokasaun orsamentu ba iha HNGV, iha
kategoria vensimentu nomos bens de servisu, maibe laiha orsamentu aloka ba iha
Kapital menor.
“Ho razaun ida nee mak ami hatoo
proposta bazeia ba difikuldade neebe HNGV hasoru, tanba nee hatoo proposta iha
debate liu-liu ba sosa makina fase ran no ekipamentus mediku neebe mak HNGV presiza,”
katak nia.
Nia hatete, atu sosa makina fase
ran, tanba oras nee dadaun HNGV iha makina 10 deit nee 2 rezerva ba pasiente
moras HIV, TBC no seluk tan.
Hatan ba kestaun nee Ministra
Interina Finansas, Sara Lobo hatete, governu laiha hanoin kontra proposta sira
ba preokupasaun ba Ministeriu Saude nomos ba ministeriu sira seluk, so iha
momentu neeba duvida oituan, tanba fontes nee husi rezerva kiontijensia, nee
fundu ida neebe mak aloka ba sadisitasuan imprevistu no mos apoiu ba
instituisaun seluk neebe iha nesesidade urjente.
Notisia kompletu lee iha jornal
STL edisaun Kuarta (05092018)
Guilhermina Franco / Natalino
Costa | Suara Timor Lorosae
Sem comentários:
Enviar um comentário