Tempu la di'ak prejudika esforsu
sira hodi avalia se vulkaun Anak Krakatoa, iha Indonezia, bele provoka fali
tsunami ne'ebé bele hamate no autoridade sira anunsia katak buka ba vitima sira
iha provinsia ne'ebé afetada liu sei kontinua fali iha fulan Janeiru.
Ajénsia dezastre sira Indonezia
nian informa iha loron-sesta ne'e katak ema mate na'in 426 iha tsunami Estreitu
Sunda nian, entre illa sira Java no Sumatra nian, numeru ne'ebé maka kik liu
ituan hosi ida ne'ebé anunsia tiha ona tanba vitima balun rejista dalarua.
Vulkaun ne'e mós halo ema hamutuk
rihun 22 resin lakon sira nian hela-fatin.
Ondas boot no kalohan impede
tentativa sira hodi inspesiona vizualmente Anak Krakatoa. Parte boot hosi
vulkaun hetan estragu hafoin erupsaun iha loron sabadu, ne'ebé provoka tsunami.
Espesialista sira iha tsunami Gegar
Prasetya hatete katak gravidade ba potensial seluk hosi tsunami reduz makas
ona. Radar satelite nian hatudu katak vulkaun ne'e agora kiik liu ona.
Ajénsia anunsia katak estadu
emerjénsia ne'ebé dekreta ba provinsia Banten sei hotu iha loron 09 Jeneiru.
Violenta erupsaun vulkaun Anak
Krakatoa nian, kilometru 50 besik tasi laran dezde tasi carita, ne'ebé maka iha
sabadu kalam ne'e provoka deslizamentu rai ne'ebé maka kria ondas ass metru rua
no tolu no demora minutu 25 hodi too iha kosta.
Tsunami ne'e surprende vizitante
sira barak iha tasi iha enklave ne'e, ne'ebé maka Governu promove hanesan
destinu turistiku.
Pior tsunami iha Indonezia
akontese iha loron 26 Dezembru 2004 iha Norte Sumatra no halo ema mate na'in
rihun 230 resin iha dezena nasaun sira ne'ebé maka iha Oseanu Índiku, ne'ebé
maka rihun 168 iha teritoria indoneziu.
SAPO TL ho Lusa
Sem comentários:
Enviar um comentário