Iha loron-kinta ne'e, autoridade
sira hahú ona ho prosesu espropriasaun hosi família hamutuk 800 resin, ne'ebé
afetadu hosi projetu boot hosi konstrusaun sistema saneamentu ho drenajen hosi
udan been sira iha Díli.
Konsidera hanesan importante hodi
hadi'a kondisaun moris iha sidade ne'ebé afetadu beibeik tanba inundasaun sira
tanba estadu ne'ebé ladi'ak hosi nia drenajen, projetu ne'ebé hahú hanoin ona
iha tinan 2011 no agora hahú iha faze implementasaun nian.
Membru oioin Governu nian
partisipa ona iha aprezentasaun hosi ekipa téknika sira ne'ebé sei hahú prosesu
sira espropriasaun ne'ebé presiza hodi implementa projetu.
Lidera hosi Governu dezde 2014,
projetu konta ho partisipasaun hosi Águas de Portugal - Timor-Leste (AdP-TL),
iha área enjeñaria nian.
Foin lalais halibur hamutuk ba
projetu konsórsiu hosi konsultor sira hosi empreza luzu-timoroan, Oasis
Sustainable, no portugeza JGP-Portugal, responsável sira hosi estudu hosi
impaktu ambiental ne'ebé konklui tiha ona, hein iha tempu badak atribuisaun hosi
sertifikadu ambiental sira.
Ministru Obras Públikas, Salvados
Soares, esplika ona katak projetu hanesan importante hodi prevene inundasaun
sira ne'ebé akontese ho regularidade iha Díli, fó ezemplu inundasaun sira iha
loron 13 Marsu ne'ebé hamosu ona prejuízu dolar millaun 30 resin.
"Hadi'a sistema hanesan
fator importante ida hodi kontribui ba dezenvolvimentu ho garanti sosiedade
saudável ida, hodi hadi'a moris di'ak hosi ema tomak no nune'e dezenvolvimentu
ekonómiku", nia hatete.
"Ne'e hanesan kestau ida
ne'ebé iha ligasaun ba sidadaun sira nia moris di'ak, ba saúde públika ho
dezenvolvimentu ekonómiku nasaun nian. Ita tenki kombate problema sira ne'ebé
afeta nafatin sidade", nia destaka.
Projetu iha apoiu hosi Estadus
Unidus, liuhosi Millenium Challenge Corporation, ne'ebé disponibiliza dolar
millaun 210, hosi folin total ida ne'ebé hakbesik ba dolar millaun 350.
Konsidera hanesan
"krítiku", projetu hadi'a sistema drenajen sei iha impaktu ambiental
sira no sosial sira ne'ebé maka'as ho "labele evita" iha Díli, ne'ebé
aumentu hosi populasaun halo konstrusaun ne'ebé la reguladu no problema sira
iha kanal antigu oioin drenajen nian.
Projetu hahú iha tinan 2011 ho
planu diretor dahuluk ida ba drenajen, entre tinan 2014 ho 2019, AdP sira
ne'ebé dezenvolvidu estudu detalladu sira, hahú agora faze implementasaun nian,
ne'ebé sei komplikadu prosesu hosi deslokalizasaun hosi komunidade afetadu.
Salvador Soares hatete ona ba
Lusa katak estimativa hosi Governu maka atu projetu bele hahú harii iha
"final tinan 2021 ka iha inísiu tinan 2022".
Iha kauza maka projetu ida, marka
ho atrazu oioin, ne'ebé envolve manutensaun, konstrusaun ho operasun hosi kanal
drenajen ho kilómetru 70 resin iha zona oioin iha kapital.
Ekipa sira agora sei ba fatin
sira hodi determina ho di'ak família afetadu sira, propriedade hosi rai
(privadu ka Estadu nian, maibé okupadu) no valor hosi konstrusan ho sasán sira
seluk.
Ministru Justisa, Manuel Cáceres
da Costa, esplika ona ba Lusa katak hafoin ne'e maka sei kalkula valor hosi
indemnizasaun nian, iha kazu hosi privadu sira, no kompensasaun bainhira iha
rai Estadu nian, ne'ebé maka sei selu ba família ida-idak.
Maski númeru ikus bele la
hanesan, kálkulu dahuluk hatudu ba família hamutuk 800 resin ne'ebé afetadu iha
postu administrativu haat iha sidade - Nain Feto (família hamutuk 141), Vera
Cruz (família hamutuk 121), Don Aleixo (família hamutuk 381) ho Cristo Rei
(família hamutuk 153).
Ho "impaktu sira ne'ebé
labele evita iha ambiente sidade nian", hanesan rekoñese dokumentasaun
hosi Governu, projetu sei kontribui hodi prevene inundasaun ne'ebé akontese
beibeik iha tinan hirak ikus ne'e iha Díli.
"Hanesan solusaun ambiental
di'ak hodi kumpri objetivu ne'ebé Governu defini ona hodi hadi'a kondisaun sira
moris nian iha sidade Díli", refere iha dokumentasaun hosi ekipa
ambiental.
Ho dimensaun ho kompleksidade
boot, projetu envolve komponente hosi konstrusaun balun - hanesan kruzamentu
hosi kanal sira ka túnel Manleuana nian - "ne'ebé la hanesan fásil iha
nível enjeñaria nian", nota hosi konsultor sira.
Espalla hosi área ida liu 36
kilómetru kuadradu hosi zona urbanu kapital nian, projetu hakarak hadi'a
kapasidade atual hosi sistema drenajen, ho reabilitasaun hosi kanal atual sira
ho harii kanal foun sira drenajen nian ho halo di'ak iha basia sira retensaun
nian hosi inundasaun sira hodi ajuda kontrola fluksu iha sentru sidade nian.
Sei instala mós intersetor sira
drenajen nian ka desviu sira hosi kanal iha área balun hosi enkosta inferior
(iha zona sira Kaikoli ho Vila Verde) hodi desvia fluksu balun ba sistema
fluvial sira, liuliu iha mota sira iha Kuluhun ho Maloa.
Kalkula konkluzaun to'o tinan
2025, projetu atua iha basia urbanu iha sidade, iha zona ida ne'ebé serkadu iha
súl hosi foho sira Bekora Manleuana, iha oeste hosi mota Komoro no, iha norte
hosi área tasi-ibun sira hosi sidade Díli nian.
Iha populasaun hamutuk rihun 240
resin - 20% hosi populasaun nasaun nian -, kapital hasoru, liuliu iha dékada
ikus ne'e, aumentu maka'as ida ho bairu sira ne'ebé la reguladu, zona sira
ne'ebé kuaze hanesan favela no okupasaun populasional ida ne'ebé maka'as tebes.
Migrante sira hosi nasaun tomak
to'o iha sidade hodi buka kondisaun moris ne'ebé di'ak, okupa ilegal rai
privadu sira ho mós públiku sira hodi instala uma sira no mós to'o negósiu
sira.
Sapo TL | Lusa
Sem comentários:
Enviar um comentário