Deskonfia Komete Krime Korupsaun, Emilia Aprezente Rekerementu II

DILI - Deskonfia Eis Ministra Finansas Emilia Pires komete krime korupsaun relasiona ho sosa kama ba iha Hospital Nasional Guido Valadares, Emilia aprezenta rekerementu dala rua ba Tribunal Rekursu.

Tuir prezidente Tribunal Rekursu Guilhermino da Silva katak Rekerementu nebe maka Emilia hatama ba dala uluk Tribunal Rekursu hatun ona desizaun ba Tribunal Distrital Dili, maibe Emilia hatan tan rekerementu dala rua nebe oras nee iha prosesu nia laran.

Rekerementu nebe mak iha kona ba akordaun nee ami fo sai tiha ona tan nee rekerementu primeiru Tribunal atende tiha ona, maibe iha fali segundu rekerementu nebe Tribunal Rekursu sei foti desizaun,” dehan Guilherme ba Jornalista, Kinta (11/06/2015) iha Palasiu Prezidensial Nicolao Lobato.

Tempu atu Tribunal hatun desizaun, Guilherme hatete, lei la fo dalan atu Tribunal fo sai loron nebe hatun desizaun ba prosesu ruma tamba nee hein deit no depende ba rejultadu servisu nebe Tribunal Rekursu halo.

Hatan kona ba kazu Vicente, Guilhermino hatete kuandu Parlamentu seidauk hasai Imunidade hein mandatu remata maka halo julgamentu lei mos fo dalan nebe Tribunal laiha problema tamba prosesu lao nafatin. Informasaun kompletu iha STL Jornal no STL Web, edisaun Sesta (12/6/2015). Timotio Gusmao

Suara Timor Lorosae