DILI - Ministeriu
Publiku (MP) tribunal hatun sertidaun ba MP hodi halo akuzasaun hasoru MOC ho
dadus neebe mak iha tiha ona, tanba deskonfia halo krime brakeamentu kapitais
lori osan illegal sai ba legal.
Liu husi audensia julgamentu Ministeriu Publiku liu
husi Prokuradora Angelinha Saldanha husu ba tribunal atu hatun sertidaun ba MP
para bele halo akuzasaun hasoru MOC neebe hanesan arguidu Domingos Martins, eis
PNTL neebe deskonfia naok mina estadu nia kaben. Akuzasaun nee mosu baseia ba
deklarasaun husi MOC nia bainhira sai hanesan sasin iha kazu peculatu neebe
involve eis membru PNTL Lino Leao ho nia kaben Domingos Martins.
Iha kazu nee MOC nia kaben MP akuza halakon osan
estadu ho montante rihun $39,250. Nunee arguidu deklara katak osan nee mai husi
bisnis neebe halao husi nia kaben MOC iha 2012 liu ba, maibe duvidas neebe mosu
iha tribunal mak bankaria arguidu nian foin loke iha 10 fulan Maio 2013. No laiha dokumentus negosio husi Ministeriu
Turismu nian, tanba nee MP husu tribunal hodi hatun sertidaun ba MP para bele
halo akuzasaun krime brankeamentu kapitais ba lezada.
Antes nee MOC nudar
fen husi arguidu Domingos Martins deklara katak, agora nia para tiha ona bisnis
fan osan mean, neebe antes nee nia halao bisnis osan mean bainhira nia kaben
seidauk tama prizaun. Nia para tiha ona bisnis nee, hahu kedas bainhira
arguidu tama prizaun iha fulan Maio 2014 nia laran too agora, ho razaun dehan
arguidu iha prizaun laran nia labele fan osan mean.
Ba tribunal nia
dehan, bisnis neebe nia halao nee iha duni dokumentus maibe mate tiha ona. Osan
mean neebe nia fan nee laos fan iha loja, tanba nia laiha loja atu fan. Neebe
osan mean nee nia lori tama sai uma deit, no iha fulan ida nia laran bele halo
osan $1000-2000. Bisnis neebe nia halao nee laiha kompania ida mak suporta nia,
maibe nia halao mesak deit. Informasaun kompletu iha STL Jornal no STL Web,
edisaun Sesta (12/6/2015). Domingas Gomes
Suara Timor Lorosae
Sem comentários:
Enviar um comentário