Prezidente
hosi São Tomé & Prínsipe, primeiru-ministru kabu-verdianu no prínsipe hosi
Mónako konfirma ona sira nia prezensa iha selebrasaun sira tinan 40 hosi
deklarasaun unilaterál independénsia Timor-Leste nian, 28 fulan-Novembru.
Angola
sei haruka ministru ida hodi reprezenta xefe Governu, Dionísio Babo, ministru
Estadu, Kordenadór Asuntu Administrasaun hosi Estadu no Justisa no ministru
Administrasaun Estatál timoroan nian, hatete ba Lusa.
"Ami
seidauk iha konfirmasaun kona-bá sé maka reprezenta Portugal, Brazil ka
Indonézia. Iha posibilidade prezensa hosi governadór-jerál hosi
Austrália", Babo hatete.
Autoridade
timoroan sira konklui hela ajenda ba selebrasaun sira loron 28 Novembru nian,
nebe marka mós tinan 500 hosi kontaktu dahuluk navegadór portugés sira ho
Timor-Leste.
Selebrasaun
prinsipál sira sei hala'o iha enklave Oecusse-Ambeno (ema portugés sira to'o
uluk iha Lifau, sidade nebe sai hanesan kapitál dahuluk Timor-Leste nian),
maibé sei iha mós asaun ofisiál sira iha kapitál, Díli, no iha munisípiu sira
seluk nasaun ne'e.
Konviti
sira ba xefe Estadu sira halo hosi Prezidente Repúblika timoroan nian, Taur
Matan Ruak, bainhira xefe Governu sira hetan konviti hosi primeiru-ministru,
Rui Maria de Araújo. Konviti sira seluk halo hosi gabinete Dionísio Babo nian,
nebe hanesan responsável ba komisaun nebe organiza komemorasaun sira.
Dionísio
Babo hatete ba Lusa, iha nia entrevista dahuluk hodi antesipa festa, katak
selebrasaun sira ne'e bazeia iha pilár tolu: "Abordajen istóriku ida ho
atividade oioin, inklui debate sira, enkontru akadémiku sira no sira seluk.
Parte kulturál ida, ho filmi no dokumentáriu sira, feira ida livru nian,
konsertu múzika no teatru, entre sira seluk. No eventu desportivu ida".
Sei
iha mós konsertu sira nebe hakarak halibur, iha palku hanesan - iha Oecusse ho
Díli -, artista sira fado no estilu múzika rua "nebe influensia hosi
fado", morna hosi Cabo Verde no keroncong indonéziu.
Pontu
aas hosi selebrasaun timoroan sira maka loron 28 Novembru, ho inaugurasaun hosi
monumentu foun ida iha Lifau.
Konvidadu
sira VIP sei lori ba Oecusse ho aviaun foun Timor-Leste nian, nebe hanesan
aviaun dahuluk nasaun nian, nebe to'o iha Díli iha loron-kuarta ne'e, no iha ró
lalais sira nebe funsiona tiha ona.
"Prepara
daudaun alojamentu lokál sira no instala ona tenda no lona millaun ida resin
hodi simu vizitante sira", Dionísio Babo hatete.
Konvidadu
prinsipál sira sei hela iha hotel prefabrikadu ida ho kuartu 50 no
"suite" neen nebe harii daudaun, maibé Governu timoroan hatete katak
sira garanti ona katak "sei prontu iha tempu".
Kona-bá
krítika sira nebe halo daudaun kona-bá selebrasaun sira, Dionísio Babo afirma
ona katak mai hosi ema sira "nebe laiha koñesimentu klean" kona-bá
asuntu.
"Ami
iha ne'e hodi fó folin ba pontu istóriku ida identidade timoroan nian nebe ami
iha orgullu. Ami nia istória, hakarak ka la'e, hahú iha ne'ebá, bainhira
sivilizasaun rua hasoru malu: ida mai hosi Europa, Portugal, no ida seluk iha
ona ne'e", nia hatete.
"Ita
tenki senti orgullu no afirma tan identidade timoroan no la haluha ami nia
abut", nia hatutan.
Babo
konsidera katak timoroan sira tenki "koñese nia istória", inklui ida
nebe antigu, iha deskoberta arkeolójiku foun sira nebe sujere katak habitante
dahuluk sira Timór nian mosu iha tinan rihun 40 liubá.
"Balun
hatete katak iha de'it tinan rihun tolu liubá tanba bazeia iha instrumentu
agríkola sira nebe sujere komunidade estabelesidu no la'ós de'it nómada",
ministru hatete.
"Buat
hotu halo parte iha ita nia istória. No ita tenki senti orgullu. Ne'e sei sai
hanesan festa boot ida no buat hotu sei la'o ho di'ak", nia afirma.
SAPO
TL ho Lusa – foto Prezidente hosi São Tomé & Príncipe, Manuel Pinto da
Costa, ho Primeiru-ministru Cabo Verde, José Maria Neves.
Sem comentários:
Enviar um comentário