Gasta Despeza Boot Dezenvolve Kapital, Nunka Rezolve Inundasaun

DILI - Governu Timor Leste kada tinan aloka Despeza boot hodi dezenvolve Kapital Nasaun, maibe nunka resolve problema no sempre aumenta problema tamba ukun nain no kompania laiha sentimentu nasionalismu.

Tuir Deputadu Leonel Marcal katak implemta projetu iha Kapital Dili Sempre sai problema boot, liu-liu inundasaun neebe mak akontese iha Dili laran, maske iha rehabilitasaun ba drainazen no Estrada halo rehabilitasaun maibe laiha rejultadu.

Ita hare kada tinan sempre halo rehabilitasaun ba drainazen no rehabilitasaun Estrada iha capital Dili, maibe tempu udan sempre inundasaun, ita gasta despeza boot maibe laiha rejultadu,” dehan Leonel ba Jornalista Kuarta (03/02/2015) iha PN.

Nia hatete bazea ba peskiza neebe mak iha rai maran ho tasi laiha diferensia boot katak tasi latun liu rai maran, kuaze hanesan maske nunee governu tenki buka maneira hodi rezolve problema inundasaun iha sidade Dili.

Nune mos deputadu Manuel Castro hatete udan iha Kapital Dili halo Inundasaun tamba drainazen neebe mak kompainia sira halo klot liu halo bee atu liu ladiak, maske koalia dala barak too baruk.

Nia husu ba Ministeriu kompetente no insitusaun relevante tenki hare projeitu fiziku hotu-hotu tamba mai husi dezenhu no BOQ, verifika husi Ajensia dezemvolvimentu Nasional maibe implemtasaun la diak. Informasaun kompletu iha STL Jornal no STL Web, edisaun Kinta (4/2/2016). Timotio Gusmao

Suara Timor Lorosae