Iha
loron-sesta ne'e papa Francisco rekomenda ona ba aman-inan sira hodi evita
"invazaun prejudisial ida" ba oan sira nia moris pesoal tanba, nia
garanti katak, "obsesaun la'ós hanesan edukativu", maski halo
"falta nafatin ba vijilánsia ruma".
"Obsesaun
la'ós hanesan edukativu no labele kontrola situasaun sira ne'ebé oan ida bele
hasoru", nia fó hanoin iha konsellu apostóliku "Amoris Laetitia"
(Ksolok hosi Domin) ne'ebé publika iha loron-sesta ne'e.
Francisco
subliña katak "família labele dezisti hanesan fatin apoiu ida,
akompañamentu, malatadalan" ba oan sira no nia rekomenda ona katak
"labele husik kestiona sé maka oferese entretenimentu no diversaun, sé
maka tama iha sira nia kuartu liuhosi ekran sira".
"Iha
falta ba vijilánsia balun. Abandonu hanesan ladi'ak. Aman-inan sira tenki
orienta no alerta labarik sira no adolesente sira hodi sira bele hatene hasoru
situasaun sira ne'ebé bele iha risku, hanesan ezemplu ba agresaun sira, abuzu
ka konsumu droga sira nian", nia afirma.
Maibé
"bainhira aman ida senti obsekadu hodi hatene katak nia oan iha ne'ebé no
kontrola sira nia movimentu tomak, hanesan hakarak domina nia fatin".
"Nune'e,
la'ós eduka, hametin, la'ós prepara hodi hasoru dezafiu sira. Buat ne'ebé maka
interese liuliu maka hamosu iha oan sira, ho domin maka'as, prosesu sira
amaduresimentu ba nia liberdade, ba kapasitasaun, ba kresimentu integral",
nia esplika.
Francisco
defende ona katak "nune'e maka oan sei iha nia aan rasik elementu sira
ne'ebé nia presiza hodi hatene defende no atua ho matenek no astúsia iha tempu
susar sira".
Tanba
motivu ne'e, "kestaun boot liu la'ós iha fatin ne'ebé maka oan ida iha, ho
sé maka nia halimar iha momentu ne'e, maibé iha ne'ebé maka iha sentidu
ezistensial ida, iha ne'ebé maka iha nia konviksaun sira, objetivu sira no
hakarak sira".
Hanesan
solusaun, papa afirma ona katak "hanesan momentu sira ne'ebé hamutuk ho
sira (joven sira), ko'alia ho dalan simples no domin hosi buat importante sira
no posibilidade di'ak sira ne'ebé mosu hodi okupa sira nia tempu maka sei
permiti ba sira hodi evita invazaun aat sira".
Iha
kapítulu ho títulu "Loos ba edukasaun seksual", Francisco konsidera
ona hanesan "susar hanoin edukasaun seksual iha tempu ne'ebé seksualidade
sai hanesan vulgar no aat liu". Iha fatin seluk, "bele hatene de'it
iha marka ida hosi edukasaun ida ba domin".
"Edukasaun
seksual tenki fó informasaun, maibé labele haluha katak labarik ho joven sira
la to'o maturidade tomak ida. Informasaun tenki to'o iha momentu loloos no ho
dalan adekuadu ba etapa ne'ebé sira hasoru", nia rekomenda.
"Buat
ida sei laiha folin bainhira fó informasaun barak ba sira lahó dezenvolvimentu
hosi hanoin krítiku ida hasoru invazasaun ida hosi proposta sira, hasoru
pornografia deskontroladu no nakonu ho estímulu ne'ebé bele halakon nia
seksualidade", nia hatutan.
Papa
kritika ona espresaun "seksu seguru" tanba "transmiti hahalok
negativu ida iha relasaun ba finalidade hosi prokriasaun natural seksualidade
nian, hanesan posibilidade hosi oan ida ne'ebé hanesan inimigu ida ne'ebé
presiza protesaun".
"Nune'e
maka promove agresividade narsizista no la promove akollimentu. Hanesan laiha
responsabildiade ba konviti ruma ba adolesente sira hodi halimar ho sira nia
isin no hanoin, hanesan iha maturidade, folin, kompromisu metin no objetivu
própriu sira matrimóniu nian", nia konsidera.
Konsellu
"Amoris Latetia" hakerek hahú hosi konkluzaun sira hosi sínodu sira
bispu sira nian ba família, estraordináriu no ordináriu, ne'ebé hala'o tiha ona
iha fulan-Outubru 2014 no 2015.
SAPO
TL ho Lusa – Foto: EPA@ Alessandro di Meo
Sem comentários:
Enviar um comentário