DILI,
(TATOLI) – Ministériu Saúde (MS) halo vasinasaun hepatitis B ba Polísia
Nasionál Timor-Leste (PNTL) nu’udar meiu ida atu prevene moras.
“Implementasaun vasina hepatitis B ba PNTL sira atu halo prevensaun ba moras hepatitis B ne’ebé konsidera moras grave”, hateten Diretora Jerál Prestasaun Servisu MS, Odete Viegas ba jornalista sira iha akademia PNTL Komoro, segunda, (3/7).
Nia
haktuir, organizasaun saúde mundiál hili loron 28 jullu nu’udar loron mundiál
ba hepatitis, nune’e iha durante fulan Jullu ne’e ho programa vasina halo ba
ema hotu, tantu iha postu saúde no sentru saúde sira iha munisípiu hotu.
Loron
mundiál hepatitis ne’ebé sei realiza 28 jullu ho tema oinsá elimina moras
hepatitis no vasina nu’udar meiu ida atu prevene.
Moras
hepatitis hanesan virus ida ne’ebé kona ema bele rezulta ema nia sistema
imunidade tun. Moras hepatitis iha oin lima mak A, B, C, D no E, grave liu mak
hepatitis B.
Iha
sorin seluk, komandante jerál PNTL, komisariu Júlio da Costa Hornai kontente ho
programa ne’e tanba bele haforsa imunidade umanu atu labele moras.
Enkuantu,
iha mundu, ema milaun mate tanba moras hepatitis, ho vasina bele haforsa
imunidade.
Jornalista:
Zezito Silva | Editora: Rita Almeida
Foto:
Komisariu Júlio da Costa Hornai hetan vasina hepatitis B hosi pesoál saúde iha
akademia PNTL Komoro, segunda, (3/7). Foto Tatoli/Zezito Silva
Sem comentários:
Enviar um comentário