Iha
loron-sesta ne'e Pekin afirma ona katak atribuisaun Nobel Dame iha tinan 2010
ba Liu Xiaobo, opozitor xinés ne'ebé mate iha loron-sesta, vítimu kankru nian
no ho vijilánsia hosi polísia, hanesan blasfémia ida.
"Fó
distinsaun ba ema ida hanesan ne'e kontraria ideia hosi prémiu ne'e. Insulta
ona Nobel Dame nian", akuza hosi porta-vós hosi ministériu xinés ba
Negósiu Estranjeiru, Geng Shuang, iha konferénsia imprensa nian.
Nasaun
oioin kritika ona Pekin tanba opozitor nia mate, hafoin oferese tiha tratamentu
médiku ba Liu.
Ativista
xinés ne'ebé koñesidu liu tanba hakarak demokrasia mate ona ho tinan 61,
bainhira kumpri hela kastigu kadeia tinan 11 tanba revolta hasoru Estadu.
Geng
fó sai ona katak Pekin protesta ona ba Estadus Unidus ho Komisariadu Aas ba
Direitu Ema nian hosi ONU, tanba "komentáriu sira ne'ebé la
responsável" kona-ba opozitor nia mate.
EUA
ho Uniaun Europeia agora apela ba Governu xinés atu liberta opozitor nia feen,
Liu Xia, ne'ebé agora daudaun iha prizaun domisiliáriu dezde tinan 2010.
Porta-vós
xinés la halakon posibilidade hodi autoriza nia hodi halo viajen ba
estranjeiru.
Maibé,
eis-prezidente hosi Komité Nobel Noruega nian Thorbjørn Jagland justifika ona
iha loron-sesta ne'e kona-ba atribuisaun Nobel nian ba Liu Xiaobo.
"Luta
ba direitu ema sira nian kontribui ba dame", afirma Jagland, liuhosi rede
sosial Twitter. "No tanba ne'e komisaun ne'ebé nia diriji fó ona prémiu dame
nian ba Liu Xiaobo", nia hatutan.
Durante
serimónia iha Oslo, iha tinan 2010, kadeira ne'ebé rezerva ba Liu, ne'ebé iha
tempu ne'ebá tama ona iha kadeia, mamuk.
Liu
sai ona hanesan Nobel Dame nian ba daruak ne'ebé maka mate iha kadeia. Nobel
dahuluk, Carl Von Ossietzky, mate tanba tuberkuloze, iha Alemaña, iha tinan
1939, bainhira kumpri hela kastigu ida tanba la konkorda ho rejimi Nazi Adolf
Hitler nian.
SAPO
TL ho Lusa
Sem comentários:
Enviar um comentário