Kordenador
rezidente hosi ONU iha Timor-Leste, noruegés Knut Ostby, nomeadu nu'udar
kordenador interinu iha Myanmar ne'ebé sei asumi mós dezde inísiu fulan ne'e no
funsaun indeterminadu hosi kordenador humanitáriu no reprezentante hosi UNDP,
informa hosi organizasaun.
Ostby
troka Renata Lok-Dessallien ne'ebé fila fali ba sede ONU nian.
Iha
komunikadu, ONU esplika katak Ostby iha esperiénsia maka'as iha tema sira
dezenvolvimentu nian, direitu ema nian no kestaun humanitáriu sira, no serbisu
ona iha nasaun hamutuk 17 no okupa, iha tinan 11 ikus ne'e, pozisaun sira
hanesan kordenador rezidente ONU nian.
Antes
Timor-Leste, ne'ebé nia hahú iha tinan 2013, Knut Ostby sai ona kordenador
rezidente iha Fiji no iha nasaun sia seluk hosi Pasífiku no antes ne'e iha
Iraun.
Notísia
sira hosi ajénsia internasional sira refere katak Lok-Dessllien, ne'ebé iha
Myanmar dezde 2014, iha mandatu ida markadu ho tensaun sira iha ONU nia laran,
tanba nia esforsu sira hodi hametin relasaun ho Governu Myanmar nian, ladún fó
importánsia ba problema komunidade rohingya nian.
Jornal
Guardian fó sai ona iha notísia, iha fulan liubá, katak ONU komisiona ona no
hafoin ne'e anula relatóriu ida hosi fulan-Maiu ne'ebé hanesan krítiku hosi
asaun kordenador rezidente nian.
"Hanesan
rekomendandu katak, hanesan urjente, atu sede ONU nian identifika dalan sira
hodi hadi'a kordenasaun jeral iha estratéjia hosi sistema ONU nian" ba
Myanmar, refere hosi relatóriu.
SAPO
TL ho Lusa
Sem comentários:
Enviar um comentário