Sei analiza portunidade investimentu iha Timor-Leste iha Díli iha fulan ne'e

Emprezáriu sira hosi nasaun oioin, ho destake ba Austrália, hasoru malu iha fulan ne'e ho membru sira hosi Governu no responsável timoroan sira seluk iha konferénsia ida ne'ebé sei analiza oportunidade sira investimentu nian iha Timor-Leste, haktuir hosi organizador sira.

Konferénsia Internasional ba Investimentu Timor-Leste nian ba dala rua sei hala'o entre loron 14 no 15 Novembru no, tuir nota ida hosi organizador sira, hakarak fó koñese poténsia nasaun nian ba investidor sira iha área oioin hanesan petróleu ho gás, mina sira, kafé ho agrikultura, turizmu, transporte ho konstrusaun, no seluk tan.

Entre partisipante sira ne'ebé organizasaun fó sai, empreza Informa, iha mós prezensa hosi primeiru-ministru Mari Alkatiri mo membru oioin hosi nia ezekutivu no responsável sira hosi empreza oioin ne'ebé halo ona operasaun iha Timor-Leste.

Partisipa mós Suellen Osborne, diretora ezekutiva hosi Timor Resources, James Ree, diretor ezekutivu hosi TL Cement no Vinay Mathur, responsável hosi Heineken iha Timor-Leste, nune'e mós hosi preziente petrolíferu timoroan Timor Gap, Francisco Monteiro, advogadu José Teixeira ho reprezentante hosi ENI iha Timor-Leste.

SAPO TL ho Lusa