Igualdade
jéneru ne'ebé la hanesan, taxa aas ba violénsia seksual no falta informasaun
kona-ba saúde reprodutivu kontribui atu joven-feto timoroan balun sai inan
antes halo tinan 20, fó sai hosi estudu foun ida.
Estudu
hatudu katak iha kazu barak hosi isin-rua antes tempu ne'e hanesan
"akontese beibeik no tuir kedas kazamentu" ne'ebé kontribui atu 20%
hosi feto adolesente sira ho tinan 18 sai ona hanesan kaben-na'in.
"Igualdade
jéneru ne'ebé la hanesan iha abut maka'as - inklui taxa violénsia ne'ebé aas
hasoru feto sira no limitasaun ba saúde reprodutivu - iha papel preokupante
tebes iha informasaun sira ne'e", refere hosi estudu ne'ebé rona feto sira
iha zona sidade no zona rural sira timoroan nian.
Enkomenda
hosi Grupu hosi Feto Parlamentar sira Timor-Leste nian, estudu ne'e halo hosi
Sekretaria Estadu ba Juventude ho Desporto hosi Governu daneen hamutuk ho Fundu
Populasaun ONU nian (UNFPA) no ho organizasaun Plan International.
Falta
informasaun no nível violénsia ne'ebé aas hasoru feto sira iha Timor-Leste -
isin-rua barak mosu hosi violénsia sira - kontribui atu problema ne'e asumi
"dimensaun preokupante sira", haktuir hosi responsável sira ne'ebé
envolve iha estudu.
"Ami
iha daudaun índise ida hosi 60% hosi violénsia entre parseiru íntimu sira iha
Timor-Leste", hatete hosi Candie Cassabalian, espesialista hosi UNFPA,
ne'ebé haktuir iha nota kona-ba estudu ne'e.
Nia
refere katak problema ne'e aumenta tanba iha bandu sosial normal sira hodi halo
susar hetan kontrasetivu sira, liuliu bainhira lahó lisensa hosi laen sira ka
hosi parseiru sira.
"Feto
kaben-na'in sira, la haree ba sira nia tinan, ladún iha kontrolu kona-ba nia
isin rasik no ba nia fertilidade. Tanba ne'e, lalais tebes, joven-feto sira
ikusmai iha oan barak, nune'e limita sira hodi hetan oportunidade no hodi iha
liu eskolla", hatutan hosi Cassabalian.
Estudu
refere katak fatór seluk ne'ebé kontribui ba problema ne'e maka laiha edukasaun
seksual komprensivel ida. Feto balun no adolesente sira ne'ebé tuir estudu ne'e
admiti ona katak sira la hatene buat ida kona-ba seksualidade.
"Maski
edukasaun seksual halo parte hosi kuríkulu hosi eskola sira, dalabarak profesor
sira la senti di'ak hodi fó sai informasaun", esplika hosi Lala Soares,
espesialista jéneru nian hosi Plan International.
"Iha
kazu balun sira hatete mai ami katak bainhira to'o iha kapítulu ne'e, sira lees
pájina sira hosi livru sira", nia hatutan.
La'ós
de'it hanesan diagnóstiku ida hosi problema kuantitativu no kualitativu hosi
problema, estudu ne'e hakarak investiga dalan sira prevensaun nian ne'ebé ajuda
hamenus isin-rua iha adolesénsia no kazamentu sira ne'ebé akontese prematuru.
Maski
kazamentu sai hanesan hakat tuirmai hosi isin-rua ida ne'ebé lahó intensaun,
aman-inan no líder komunitáriu barak lamenta nia prevalénsia maka'as, haktuir
estudu ne'ebé haree katak kontestu sosial no familiar halo susar atu joven sira
ko'alia livre kona-ba tema sira hanesan seksualidade.
"Ho
komunidade destaka iha joven sira ideia hosi abstinénsia total, relasionamentu
barka hosi adolesente sira akontese iha klandestinidade total. Ne'e impede atu
joven sira bele halo pergunta sira ka atu iha asesu ba informasaun no ba
serbisu adekuadu sira", estudu refere.
Dokumentu
hatudu katak joven sira, feto no mós mane, ladún hatene kona-ba sira nia isin rasik
- maski kuaze sira hotu rona ona kona-ba seksu. No hatudu katak "sira la
hatene risku sira hosi isin-rua, HIV ka moras sira seluk ne'ebé transmiti
liuhosi dalan seksual, oinsá funsiona sistema reprodutivu ka la hatene mós
kona-ba sinal sira isin-rua nian".
"Joven
sira no mós aman-inan sira ladún hatene risku sira hosi saúde relasionadu ho
isin-rua iha adolesénsia", hatutan mós.
Estudu
analiza mós asesu hosi joven sira ba métidu kontraseptivu sira ne'ebé konsidera
hanesan "susar atu joven solteiru sira hetan" no katak
"joven-feto sira ne'ebé kaben-na'in mós ladún uza".
Estudu
hatete katak feto sira "iha presaun hodi iha oan barak lalais no sira
barak fiar katak iha konsekuénsia negativu oioin ba saúde bainhira uza
kontraseptivu sira, hanesan ezemplu, sira haree hanesan "lisensa ida ba
atividade seksual imoral".
"Rezultadu
maka hamosu númeru aas hosi isin-rua sira iha adolesénsia hafoin kazamentu,
dala ida ne'e ho presaun konsiderável ida hosi komunidade hasoru joven-feto
hodi bele aseita nafatin hodi bele isin-rua", refere hosi análize ne'e.
SAPO
TL ho Lusa
Sem comentários:
Enviar um comentário