Rui Maria de Araujo: Governu Laiha Intensaun Politiza Pasiente

DILI - Ministru Saude Rui Maria de Araujo hateten, Informasaun neebe maka serkula iha FB neebe ema balu hateten, dehan Governu labele uja pasiente hodi politiza, Governu laiha intensaun atu politiza nee situasaun real.

“Konaba kazu balu purexemplu hau lapresiza temi naran, maibe iha kazu balu hanesan ema neebe durante nee atu halo transplantasaun rins prosesu lao hotu ona, mediku sira atu marak Febreiru 2018 para atu halo transplantasaun nia hetan ona nia ema neebe atu sai donor, depois prosesu mos sei lao hela nee tanba prosesu nee lao hela durante fulan neen resin, I agora ita seidauk konsege selu purvolta un milieu de dolar ba ospital Sanglan,” dehan Ministru Rui ba jornalista sira, iha PN, Dili, Tersa (19/12/2017).

Eis Primeiru Ministru iha Sestu Governu Konstitusional nee haktuir tan katak, Se osan ida nee laiha selu dividas signifika ospital sira neebe ohin hateten tiha ona nee sira tenke para, lasimu tan pasiente husi Timor Leste.

Iha fatin hanesan Membru PN husi bankada CNRT Natalino dos Santos hateten Lasala nia intervensaun iha OR mensiona katak PM altura neebe MS rasik fo deklarasaun katak, antes debate OR ho karakter urjensia nee semana rua ka fulan rua antes nee halo tiha akordu ho ospital hira iha neeba atu simu pasiente sira. 

Carme Ximenes/Maria Lay | Suara Timor Lorosae