PM Inagura Instituto Nasional Peskas

DILI - Primeiru Ministru inagura instituto Nasional Peskas e Agrikultura, projetu nee realize tanba kooperasaun entre Governu Timor Leste  ho Governu Korea do Sul.

Liu husi deskursu Primeiru Ministru Mari Alkatiri hateten, ema hotu mai iha fatin ida nee atu halo inagurasaun ba sentru ida nee, no sentru nee diak tebes, tanba fasilidade kompletu no teknolojia neebe cangih.

Hau hanoin dala barak ita simu infraestrutura sira hanesan nee halo ita kontente tebes, tanba instituto nasional nee nakonu ho fasilidade kompletu, maibe tinan ida rua mai fali haree sentru nee seluk, tanba uza la kuidadu, tan nee husu atu labele akontese hanesan,” informa Primeiru Ministru Mari Alkatiri liu husi nia deskursu iha Suku Watu Vou, Postu Administrativu Maubara, Munisipiu Liquisa, Kinta, (22/02/2018).

Nia hatutan liutan, sentru ida nee ninia efeitu nee boot tebes. Sentru ida nee laos atu hanoin deit maibe, sentru ida nee atu halo produsaun fini ikan.

Tuir Primeiru Ministru katak, problema boot iha TL maka nutrisaun, tanba nee liu husi sentru prosesamentu ikan iha fatin ida nee, bele rezolve problema nutrisaun labarik sira nian iha rai laran.

Iha fatin hanesan Ministru Agrikultura e Peskas MAP,Estanislau Aleixo da Silva hatoo agradese ba governu Korea, neebe liu husi KOIKA neebe servisu hamutuk ho Ministeriu Agrikulturta hodi harii sentru Instituisaun ida nee. 

Notisia kompletu lee iha jornal edisaun Sabadu, (24/02/2018)

Madalena Horta | Suara Timor Lorosae