PNTL Kaptura Grupu Hais Veteranus, Asosiasaun Veteranus Larekonese

DILI - Asosiasaun Combatente Veteranus Luta Libertasaun Nasional (ACVLLN) larekonese grupu neebe kaptura husi PNT, tanba uza veteranus nia naran halao rezista ba veteranus hodi halao kobransa.

Informa Prezidente Asosiasaun Combatente Veteranus Luta Libertasaun Nasional/atual Deputadu Fretilin David Mandati Dias Ximenes katak,  uluk kedas kobransa nia rasik kontra, se deit osan iha hakarak atu koopera, koopera laos atu ba kobra malu.

Ami iha asosiasaun uluk dehan selu kuota maibe seidauk halo, entaun estadu sei fo osan ruma para servisu sira nee lao.m Nusa mak tenke ba kobra ema sira hanesan nee, sa tan mak dehan hau mak haruka fali sira grupu hanesan nee mak ba kobra ema veteranus, nee ami nunka haruka sira,” katak katak Mandati ba Jornalista Sesta (09/02/2018) iha Bankada Fretilin PN.

Mandati hatete, sira nia ema atu halao servisu iha asosiasaun reprezentante munisipiu hotu, i asosiasaun nee mosu, tanba atu ajuda ema veteranus sira neebe mak dokumentus sala, no ema sira laiha kapasidade atu hadia sira nia dokumentus, no halo nee neim husu osan.

Nunee mos Martinho Rodrigues Pereira Xefe sekretariu  Asosiasaun Combatente Veteranus Luta Libertasaun Nasional, hatete, Asosiasaun veteranus  hamriik atu ajuda ema sira neebe mak iha problema ruma atu hetan sira nia direitu nudar  veteranus.

Entretantu Julio da Costa Gaiu Xefe Interino Tekniku Asosiasaun Combatente Veteranus Luta Libertasaun Nasional informa, asosiasaun larekonese ema sira nee. 

Guilhermina Franco | Suara Timor Lorosae