Timor-Leste hametin ligasaun sistema konta públika ho pagamentu sira Estadu nian

Sistema jestaun ba konta públika no pagamentu hosi no ba Estadu timoroan, iha loron-kinta ne'e, hametin ona ho asinatura hosi akordu ida ne'ebé liga sistema prinsipal rua hosi área ne'ebé maka uza daudaun iha Timor-Leste.

"Hanesan loron istóriku ida iha prosesu jestaun finansa públika nian, liuliu iha sistema nasional pagamentu nian, integra sistema importante rua hodi hametin administrasaun públika", hatete hosi governador Banku Sentral timoroan nian, Abraão de Vasconselos.

Governador hosi Banku Sentral ho ministru Planu no Finansa timoroan, Rui Gomes, asina ona akordu ne'ebé liga sistema rua, marka momentu ho transferénsia hosi fundu sira ba fornesedor ida Estadu nian iha munisípiu Bobonaro.

Hafoin kompasu ida hodi hein, kontatu ida hosi videokonferénsia, ho Maliana, iha sudeste Díli nian, permiti ona konfirma katak pagamentu to'o ona iha konta fornesedor nian.

Ho akordu ne'e liga ona sistema sentral rua ba jestaun konta públika timoroan nian no ba pagamentu sira hotu hosi Estadu, envolve banku timoroan sira no reprezentante sira hosi banku komersial internasional tolu ne'ebé halo operasaun iha Timor-Leste, banku portugés BNU ho banku indonéziu Mandiri.

Rui Gomes hatete katak nune'e hametin ona ligasaun entre sistema GRP hosi Ministériu Finansa ho R-TiMOR hosi Banku Sentral, rezulta hosi "esforsu tékniku boot" ida durante tinan barak nia laran.

"Prosesamentu hosi pagamentu sira Governu nian ba fornesedor sira sasán ho serbisu nian sai automatizadu. Osan to'o ba fornesedor sira lalais tebes no di'ak liu", nia esplika.

"Fasilita pagamentu sira, inklui saláriu hosi funsionáriu públiku sira nian, transferénsia sira ba veteranu sira ho bolseiru sira, ho benefísiu barak ba ema tomak", nia konsidera.

Rui Gomes hatete katak integrasaun hosi sistema sira permiti "halo simples dalan pagamentu sira nian no hamenus sala sira hosi intervensaun humanu nian", ajuda "aumenta efisiénsia hosi sistema pagamentu nian, nune'e ho seguransa maka'as liu".

Governante lembra kata ne'e halo importante liuliu bainhira Governu dezenvolve hela esforsu hodi "aumenta reseita sira ne'ebé la'ós mai hosi petróleu" no hanesan, tuir ezemplu, integra sistema alfándega sira nian no sistema impostu sira nian.

Reforma fiskal ho introdusaun hosi medida sira hanesan IVA, sei "signifika katak movimentu osan nian sei maka'as, hamosu dezafiu boot ida hosi kontrolu ba administrasaun públika".

"Kálkulu hosi obrigasaun fiskal sira halo sai fásil liu, evita atu kontribuinte sira lalika lakon sira nia tempu hodi ba banku", Rui Gomes hatete.

Timor-Leste hanesan nasaun ida ne'ebé uza sistema software GPR (Global Planning Resource), pakote koñesidu hanesan "free balance", elementu sentral ida hosi jestaun ba konta públika nian.

Sistema halibur faze tomak hosi siklu orsamental, inklui preparasaun no ezekusaun hosi Orsamentu Jeral Estadu nian, permiti relasaun diretu ba gastu sira ho polítika sira ne'ebé Estadu defini.

Lansa iha tinan 2015, R-TiMOR permiti halo pagamentu eletróniku iha pontu ruma iha Timor-Leste entre partikular sira, empreza sira ka entidade públiku sira.

Grupu dahuluk hosi tranzasaun hamutuk 29 hala'o ona iha loron-tersa ne'e hodi hatudu funsionamentu sistema nian ne'ebé agora sei liuhosi "99,9% hosi tranzasaun sira" Estadu nian.

Sapo tl ho Lusa