DILI, 29 abr 2019 (TATOLI)
– Deputada Bankada Governu hosi partidu Kongresu Nasionál Rekonstrusaun
Timor (CNRT-sigla portugés), Maria Fernanda Lay, liuhosi ninia intervensaun iha
plenária segunda ne’e preokupa ho eletrifikasaun iha Timor laran tomak.
“Ita hatene katak Estadu gasta
osan boot tebes ba sistema eletrifikasaun nasionál, hodi nune’e importante
Eletrisidade Timor-Leste (EDTL) tenke tau atensaun ba kliente hodi selu”,
afirma.
Nia akresenta mesmu porsentu 80
iha ona eletrisidade maibé iha fatin balun iha keixa eltrifikasaun seidauk
to’o, iha suku balun mak seidauk iha instalasaun eletrisidade.
“Parlamentu Nasionál tenke husu
razaun saida, sei problema sukat ne’ebé, para ne’e mak sai dezafíu atu halo
instalasaun entaun tenke rezolve, mas veteranu sira mak kaer projetu mak hadau
malu projetu entaun tenke tau pontu finál, povu labele sai vítima tanba laiha
eletrisidade. Eletrisidade hanesan fonte reseita doméstika ita nia”, realsa.
Xefe Bankada Uniaun Demokrata
Timor/ Frente Mudansa (UDT/FM), Gilman Exposto dos Santos, akresenta projetu
elertisidade ba territóriu tomak laiha razaun para, suku balun seidauk hetan
ahi.
“Tinan 10 ona projetu
eletrisidade, maibé ita para iha porsentu 85 no seidauk la’o to’o porsentu 100,
bainhira loos, ida ne’e mak ha’u proukupa”, katak.
Jornalista: Julia Chatarina | Editora:
Rita Almeida
Imajen: Plenária Parlamentu
Nasionál. Imajen: António Gonçalves
Sem comentários:
Enviar um comentário