LAOS KOMPETE HO MANE MAIBE SAI PARSERIA HODI KONTRIBUI BA DEZEMVOLVIMENTU

Dili, Radio Liberdade Online - Sekretária Estadu ba Apoiu no Promosaun Sosiu-Ekónomika Feto (SEM), Kinta Feira  30/10/2015, komemora  loron Nasional Feto ba dala 39 hodi hanoin hikas fali heroi no heroina sira ne’ebe durante luta ba prosesu ukun rasik an.

Sekretariu estadu, Veneranda Lemo, iha diskursu  hateten  feto iha oportunidade hanesan ho mane tan ne’e nia husu ba feto sira perpara an hodi dezemvolve Timor-Leste iha setor hotu-hotu.

“husu ba maluk feto sira atu hamriik hodi luta, laos ita atu halo kompetisaun ho mane sira maibe ita partisipa iha oportunidade hanesan ho mane , sai parseria ba mane sira hodi kontribui ba dezemvolvimentu iha Timor-Leste”  Tenik Lemos, iha Postu Adminitrativu Bazar-Tete Munisipiu Likisa. Governante ne’e akresenta liu tan, SEM dadaun ne’e esforsu maka’as serbisu hamutuk ho organizasaun non governamental sira hodi enkoraza feto sira liu iha area rural atu kompete iha eleisaun Xefe Suku ne’ebe sei realiza iha tinan oin mai.

Iha fatin hanesan hanesan, Administrador munisipu Likisa, Domingos da conseição do Santos, informa iha Munisipiu Likisa durante ne’e pastisipasaun feto iha dezenvolvimentu iha ona progresu lobuk ida. nia akresenta liu tan, iha munisipiu refere iha ona feto pontesial barak  liliu iha area rural sira tan ne’e nia espera  iha tinan 2016,  feto sira mos bele envolve iha eleisaun Xefe Suku ne’ebe sei mai. Alem de seremonia ne’ebe hala’o iha bazartate, iha mos aktividade, seluk hanesan doasaun ran, dialogo no mos kompetisaun tiru ne’ebe partisipa husi Feto Polisia Nasional Timor-Leste (PNTL), no Falentil Forsa Defeza Timor-Leste (F-FDTL), iha loron 26-27/10/2015. Tuir dekretu lei Númeru 17/1/3/2015, Parlamentu Nasional aseita hili loron 3 fulan Novembru sai núdar loron Nasionál Feto Timor-Leste.

Rádio Liberdade Dili