Inan Nasaun Natal Hamutuk ho Prizoneriu Becora

DILI - Inan Nasaun ou Primeira Dama Isabel Ferreira selebra natal hamutuk ho prizioneiru sira iha prizaun Becora, ho objeitvu atu fahe tempu solidaridade ba maluk sira nebe presiza.

Primeira Dama Isabel Ferreira hatete Vizita mai iha Prizaun nee laos primeiraves, maibee dala tolu ona, objeitvu objetivu husi vizita ida nee laos buat seluk, maibee ho hanoin ida oinsa atu buka atu fahe tempu solidaridade ba maluk sira neebe presiza.

Presiza labele hanoin deit ba buat mundu nian material, maibee ho ita nia kbiit ho nia prezensa, vizita prizionariu ida, vizita moras ida nee importante, fahe ita nia tempu ba sira neebe presiza ita nia prezensa, entaun ida nee mak halo hau mai vizita iha prizaun ida nee,” dehan Primeira Dama Isabel, iha diskursu bainhira selebra natal hamutuk ho prizioneiru sira iha prizaun Becora, Dili, Tersa (22/12/2015).

Priemira Dama Isabel hatete, atu tama ba natal hanesan ema kristaun laos deit katolika iha Timor deit, maibee kristaun iha mundu tomak, tamba iha tempu adventu, tempu ida halo preparasaun ba ema ida-idak nia aan, liu-liu laos prepara ba prezenti natal.

Iha fatin hanesan Direitor Prizaun Becora Joao Domingos hatete, Primeira Dama iha hanoin diak mai vizita prizoneiru sira, fatin nee Primeira Dama mai vizita dala 3 ona, iha fulan Marsu, Juinu no mos Dezembru nee.

Iha natal hamutuk nee Priemira Dama Isabel Ferreira ajuda karau ida ba prizioneriu sira iha Becora. Entertantu iha tuku 2:00 loraik Primeira Dama Isabele Ferreira sei natal hamutuk ho pasiente sira iha Hospital Nasional Guido Valadares (HNGV). Informasaun kompletu iha STL Jornal no STL Web, edisaun Kuarta (23/12/2015). Carme Ximenes

Suara Timor Lorosae