Isabel Ferreira lori Domin ba Prizioneriu Gleno

ERMERA - Primeira Dama Isabel Ferreira realize Natal hamutuk ho prizoneiru Gleno. Iha oportunidade Primeira Dama hatete iha tempu adventu ema iha vontade no fo atensaun ba malu atu tama ba natal.

Primeira Dama Isabel hateten ida nee mak importante, tamba nee hanesan inan mai iha nee lalori buat ida, maibee lori domin ba sira hotu, nebe hela iha Gleno.

Iha hasoru malu nee hau lalori prezente ba imi, maibee hau lori domin no orasaun ba familia sira iha nee, atu ita respeita nafatin, iha fiar ida nafatin ba ita nia maromak, liu-liu hanesan ema kristaun neebe fiar hanesan hau, ita fiar ba maromak liu husi inan virgin Maria, nia bele hato ba nia oan jesus no nai maromak, buat neebe mak ita hein no husu atu loron ida bele alkansa iha ita nia mehi,” dehan Primeira Dama Isabel iha diskursu, bainhira selebra natal hamutuk ho Prizioneira no prizioneiru sira iha Prizaun Gleno, Segunda (21/12/2015).

Primeira Dama Isabel hatete, balu primeira ves mai selebra natal iha fatin ida nee, maibee labele triste, tamba primeira ves dok husi familia, fiar katak iha fatin ida nee bele hetan. Dala barak iha liur hanoin atu prepara prezente troka malu ho oan sira no familia, tamba durante nee iha liur la halo.

Iha fatin hanesan Xefe Guarda Prizaun Gleno Nito dos Santos hatete, sira agradese ba apoia neebe mak Primeira Dama fo, maske Direitor Nasional la marka prezensa, tamba asuntu balu, tamba nee delega nia mai reprezenta. Informasaun kompletu iha STL Jornal no STL Web, edisaun Tersa (22/12/2105). Carme Ximenes

Suara Timor Lorosae