Ema Hotu Iha Lei Nia Okos

ERMERA - Primeira Dama Isabel Ferreira hatete, ema hotu iha lei nia okos, tamba nee lei labele trata ba ema balu espesial fali.

Ita hotu iha lei nia okos, lei hanesan ba ema hotu, tamba nee labele trata lei nee balu espesial fali,” dehan Primeira Dama Isabel, iha ninia diskursu bainhira halo natal hamutuk ho prizioneriu no prizioneira sira iha Gleno, Municipiu Ermera, Segunda (21/12/2015).

Primeira Dama Isabel Ferreia hatete, kadaves espesial bele dehan iha kondisaun balu, maibee entermus de justisa de pena nee labele halo espesial. Nia hatete Timor Leste hanesan nasaun Republika Demokratika Timor Leste, ema nia moris mos tuir ida nee, demokratika mais respeita lei.

Iha parte seluk membru Parlamentu Nasional husi bankada FRETILIN Paulo Moniz Maia hatete, lei nee vale ba ema hotu, tamba nee se mak halo sala tenke ba hatan nia sala iha Tribunal.

Entertantu Direitor ONG HIR Ozorio Bianco hatete, lei vale ba ema hotu, maibee ukun nain sira halo sala ba prizaun, bainhira hetan moras, konserteza sira tenke livre, ida nee mak ema dehan lei nee vale ba ema kiik deit, ema boot sira lae. Informasaun kompletu iha STL Jornal no STL Web, edisaun Tersa (22/12/2105). Carme Ximenes

Suara Timor Lorosae