MAIJEN LERE ANAN SEI ESTUDA DESTINU FORSA NA’IN LIMA

Xefe Estado Maior Falintil-Forsa Defesa Timor Leste (F-FDTL), Major General Lere Anan Timur deklara katak, nia parte sei estuda hela distinu membru forsa F-FDTL nian ne’ebe tama iha lista mean.

Forsa hamutuk ema na’in lima (5) ne’e ho deviza ofisiais nain 4 no sarjentu nain 1, forsa refere rekruta iha tinan 2009 ne’ebe mak atu sai husi instituisaun F-FDTL sei iha prosesu ninia laran tamba, Major Lere sei tetu hodi foti desizaun.

“Ida ne’e ha’u sei haree no estuda ninia gravidade ou todan ne’e to’o iha ne’ebe, sira ne’e kontratadu mak ita obriga diak liu lalika,” Maijen Lere Anan Timur ba Jornalista sira iha kuartel Jeneral F-FDTL, Fatuhada-Dili, Tersa (14/06/2016).

Lere hatutan, sei buat ruma ladun todan maibe, sira tenke hadia bei-beik sira nia sala bele ki’ik, biar ki’ik tenke sai lisaun ba sira.

Antes ne’e mos, Major Jeneral Lere dehan, husi sira ne’ebe maka la fo laran ne’e dalaruma servisu, dalaruma lakohi, la’os obriga maka dehan hakotu sira ninia kontratu, bahasa dehan la’os pecat.

Tamba, kontratu no lei militar la’os obrigatoriu no lei militar kontratu tinan rua-rua, ne’ebe sira halo ona tinan 7.

Lere hatutan, Instituisaun F-FDTL hala’o avaliasaun ba sira ne’ebe fo laran ba Instituisaun F-FDTL liu-liu ofisiais sarjentu tama iha kuadrus permanente.

Lere reforsa liutan, husi ofisiais nain 4 no sarjentu nain 1 ne’e liu husi konkursu hodi tama iha kuadrus permanente, haree mos ba komportamentu ne’ebe tama iha prosesu disiplinar tamba balun falta, lanu ten, balun fen rua, tolu hodi latama servisu. Eus

Jornal Nacional